O VICEPRESIDENTE DA DEPUTACIÓN SOLICITA UNHA XUNTANZA CO MINISTRO E O CONSELLEIRO DE INDUSTRIA PARA GARANTIR O FUTURO DE ALCOA
Antonio Veiga denuncia a falla de peso político do PP lucense ante os gobernos central e autonómico na procura de solucións para a continuidade de Alcoa na Mariña
Dende a Vicepresidencia da institución provincial preguntan á delegada da Xunta en Lugo onde está a solución ao problema da tarifa eléctrica que anunciara se coñecería antes de agosto
Lugo, 21 de agosto de 2012. O vicepresidente da Deputación de Lugo e responsábel das áreas de Benestar Social e Deporte, o nacionalista Antonio Veiga, vén de solicitar unha entrevista co ministro de Industria, Enerxía e Turismo, José Manuel Soria López e co conselleiro de Economía e Industria da Xunta de Galiza, Javier Guerra Fernández, para coñecer que medidas adoptarán ambas administracións para garantir a continuidade da planta de Alcoa na Comarca da Mariña.
Para Antonio Veiga “o conselleiro de Economía e Industria debe explicar por que no verán de 2011 consideraba o gasoduto unha “cuestión prioritaria para Galiza” e sen embargo, un ano máis tarde, seguen sen iniciarse as obras. Se dita infraestrutura estivera feita, ou incluso en construción, a incertidume sobre a continuidade da factoría de Alcoa na Comarca sería moito menor”.
O vicepresidente da institución provincial insiste en que “non é hora de falar de facer as xestións necesarias para lograr unha tarifa eléctrica competitiva para Alcoa, senón que é o momento de pór sobre a mesa solucións. As declaracións feitas onte polo presidente dos populares lucenses, José Manuel Barreiro, afirmando que “o PP loita por atopar unha solución satisfactoria” son un insulto para toda a provincia. O PP é o partido que apoia ao Goberno, sustenta a un Executivo que ten que tomar decisións sobre un tema que pode ter consecuencias irreparables para a Mariña pero tamén para o resto de Galiza. Non se trata de loitas, trátase de tomar decisións”.
“Con declaracións coma estas – continuou Antonio Veiga- demóstrase o pouco peso que os populares lucenses, e en especial o seu presidente provincial, teñen tanto en Madrid coma en Galiza á hora de adoptar medidas que garantan a continuidade da planta de Alcoa na Mariña. Nese senso é preciso recordar as declaracións que o pasado mes de xuño fixo a delegada da Xunta en Lugo, Raquel Arias, anunciando que a solución para lograr unha tarifa eléctrica competitiva para Alcoa coñeceríase antes do mes de agosto, pero dous meses despois e a menos de dez días para que remate o mes de agosto, nada se sabe desa tan anunciada solución”.
O vicepresidente da Deputación provincial pregúntase “que intereses pode ter o PP para xogar ao despiste cunha industria que aporta ao redor do 35 por cento do PIB lucense e que emprega a máis de 2.000 traballadores”.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
