ANA MARTÍNEZ FAI UNHA VALORACIÓN MOI POSITIVA DAS DISTINTAS INICIATIVAS POSTAS EN MARCHA ESTE VERÁN PARA PROMOCIONAR RIBADEO ENTRE OS MILES DE VISITANTES QUE SE ACHEGARON AO CONCELLO. A CONCELLEIRA DE TURISMO AGRADECE O ESFORZO E O BÓ FACER DO COMERCIO, DA HOSTALERÍA E DAS EMPRESAS INVOLUCRADAS NESTE TRABALLO.
Ribadeo, 11 de setembro de 2012. A concelleira de Turismo e Desenvolvemento Local, Ana Martínez, realiza unha valoración moi positiva das distintas iniciativas postas en marcha este verán para promocionar Ribadeo entre os miles de visitantes que se achegaron a este concello.
O edil nacionalista lembrou que “este verán no Concello presentamos varias iniciativas que buscan ligar o turismo co sector económico e empresarial da nosa vila e do noso concello. Buscamos que non só cheguen viaxeiros senón que atopen actividades que lles permitan quedar máis tempo en Ribadeo e na nosa comarca no seu conxunto”.
Martínez dixo que “como novidosa presentamos a credencial do viaxeiro da que se repartiron máis de 1.500 desde a súa posta en marcha. O que pretendíamos é que o viaxeiro que chega á praia das Catedrais volte a Ribadeo e coñeza o noso litoral pasando por Rinlo, polo faro da Illa Pancha, etc, e que participen nas actividades que atoparán na nosa vila”. O equipo de goberno valora de xeito moi positivo “a atención turística en Ribadeo, tanto no que se refire a infraestructuras coma a persoal. Este ano melloróuse o punto de información turística das Catedrais e contamos con catro persoas, unha máis que o ano pasado, grazas ao convenio asinado coa Deputación de Lugo”. E subliña que “a oficina de turismo de Ribadeo é das mellor e máis atendidas da comarca, porque está aberta durante todo o ano”.
Bus e taxi turísticos
A concelleira de Turismo referíuse tamén ao bus turístico, “que foi un proxecto piloto que agardamos continuar no 2013. Segundo nos di a empresa que realiza o servizo quedaron satisfeitos. A mesma empresa é que leva o bus praia, que xa está perfectamente consolidado en Ribadeo e que cada ano ten máis usuarios, tanto viaxeiros como ribadenses que elixen este medio para achegarse ás nosas praias. Dentro desta promoción coa iniciativa privada contamos este verán co taxi turístico que ofreceu tres rutas: unha ao occidente asturiano para dar a coñecer unha serie de concellos que forman parte da Reserva da Biosfera, outra hacia Mondoñedo e a máis empregada foi a que levaba á xente a coñecer a praia das Catedrais e outros puntos de interés de Ribadeo. Falando cos taxistas dinnos que quedaron moi contentos e voltaremos contar con eles no 2013. Ademáis eles están dispostos a manter un taxi turístico durante todo o ano”.
O Concello de Ribadeo editou unha guía turística en catro idiomas. A primeira tirada foi de 10.000 exemplares e xa se repartiron 5.000. Esta guía está á venda en hoteis, librarías e oficinas de turismo. A edil de Turismo fai unha valoración moi positiva da súa acollida.
Mercado dos domingos
A tamén concelleira de Desenvolvemento Local indicou que “o Mercado dos domingos está perfectamente consolidado en Ribadeo e neste 2012 medrou o consumo de produtos e tamén contamos con máis postos. Con este mercado o que potenciamos é o consumo dos produtos de proximidade, deses produtos locais e comarcais que moitas veces o viaxeiro descoñece e que agradece que lle poñamos na súa man a posibilidade de poder adquirilos. Como colofón final do que é o Mercado dos Domingos teremos o 30 de setembro a tradicional Feira da Horta, facendo unha serie de actividades lúdicas e de degustación dos nosos produtos”.
Ana Martínez manifestou que “si a todo isto engadimos citas como a festa do percebe ou da carne ao caldeiro a valoración que facemos é moi positiva e teño que agradecer o esforzo e o bó facer do comercio, da hostelería e de todo o sector empresarial involucrado na promoción turística do concello, xa que o traballo en rede e colectivo é o que nos pode axudar a salvar, na medida do posible, estes duros momentos”.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
