A Deputación acondiciona con rego asfáltico as vías provinciais de 58 concellos co Plan de Rebacheo

Acondicionadas con rego asfáltico as vías provinciais de 58 Concellos co Plan de Rebacheo

– As actuacións desta iniciativa execútanse hoxe nos 237 quilómetros de estradas da Deputación en Alfoz, Abadín, Paradela, Monterroso e Portomarín

– O Plan rematará en 2 semanas logo de revisar outros 233 quilómetros provincias no Valadouro, Pol, Castroverde e Antas, e de actuar nos que o requiren

– Os 50 operarios e 32 máquinas despregadas para este Plan concluíron as súas actuacións no 90% da rede viaria luguesa, tras supervisar máis de 3.800 quilómetros

A Deputación executa hoxe o Plan de Rebacheo nas estradas provinciais de Alfoz, Abadín, Paradela, Monterroso e Portomarín. Esta iniciativa, posta en marcha polo departamento de Xestión Territorial, dirixido polo Deputado Manuel Martínez, consiste no acondicionamento con rego asfáltico dos puntos quilométricos que así o requiren. Para elo, este martes estanse a supervisar os 237 quilómetros de vías provincias, que discorren por ditos municipios.

Unha vez realizadas estas actuacións, nos vindeiros días, o organismo provincial fará o mesmo nos viales da súa responsabilidade no Valadouro, Pol, Castroverde e Antas, compostos por outros 233 quilómetros. Será nestes municipios onde a institución luguesa conclúa, nun prazo de 2 semanas, o Plan de Rebacheo tras levalo os restantes 58 Concellos da provincia.

Os 50 operarios e 32 máquinas despregadas para executar este proxecto xa actuaron nos máis de 3.800 quilómetros provinciais que discorren polos seguintes municipios: Burela, Cervo, Xove, Viveiro, Ourol, O Vicedo, Vilalba, Muras, Xermade, Lourenzá, Barreiros, Trabada, Ribadeo, Foz, Mondoñedo, A Pontenova, Riotorto, A Pastoriza, Cospeito, O Corgo, Outeiro de Rei, Rábade, Baralla, Baleira, Meira, Castro de Rei, Lugo, Láncara, Sarria, Páramo, Guntín, Guitiriz, Friol, Begonte, Palas de Rei, Navia de Suarna, Negueira de Muñiz, A Fonsagrada, Ribeira de Piquín, Pedrafita, Cervantes, As Nogais, Becerreá, Courel, Samos, O Incio, Ribas do Sil, Quiroga, Bóveda, Pobra do Brollón, Sober, Pantón, Monforte, Carballedo, Taboada, Triacastela, O Saviñao e Chantada.

Deste xeito, a Deputación leva o Plan de Rebacheo a toda a rede viaria provincial, a máis estensa de España con 4.300 quilómetros, co obxectivo de mellorar as comunicacións nos 67 Concellos lugueses.