Cervo estrea o I Torneo de pádel que terá lugar os días 28, 29 e 30 de setembro
-O prazo de inscrición está aberto ata o día 26 ás 17:00 horas e nesta competición poderán participa ata un máximo de 24 parellas
Cervo, 22 de setembro de 2012-Os afeccionados á práctica de pádel teñen unha cita nas pistas do polígono de Cuíña os días 28, 29 e 30 deste mes, datas da celebración do primeiro torneo centrado neste deporte que se desenvolve no municipio de cervense. Un grupo de persoas que xogan ao pádel habitualmente puxeron en marcha esta iniciativa coa colaboración do Concello de Cervo, unha competición que nace con vocación de continuidade segundo os promotores. Un evento que se vén de presentar nun acto no que estiveron presentes a edil de Deportes, Yolanda Pedreira, e varios responsables da idea como son Jesús Pardo, Joaquín Guillén e José Antonio Fernández “Buckles”.
A organización ten establecida unha participación máxima de 24 parellas para garantir o correcto desenvolvemento do torneo. No caso de alcanzarse ese número, crearanse oito grupos integrados por tres parellas cada un. Así, na fase previa cada parella de cada grupo xogará dous partidos, pero só un de cada grupo se clasificará para os cuartos de final. Despois chegarán as semifinais e as finais.
En canto aos premios, haberá trofeos para as dúas parellas coa mellor puntuación, mentres a gañadora levará tamén unha pala e a segunda clasificada un paleteiro. Ao mesmo tempo, haberá detalles para todos os participantes. Para poder acudir é necesario realizar a inscrición por parellas, chamando aos teléfonos 645 943 215 ou 665 869 040 ata as 17:00 horas do 26 de setembro.
Dende o Concello, a edil de Deportes anima a participar ás persoas que practican pádel e destaca o carácter “innovador deste torneo, xa que é a primeira iniciativa competitiva sobre este deporte que se pon en marcha en Cervo”. Yolanda Pedreira resalta tamén “o efecto dinamizador que ten este torneo para os afeccionados ao pádel, xa que permite competir contra outras persoas enriquecendo o xogo, e ao mesmo tempo fomenta a súa práctica entre aquelas persoas que aínda non probaron esta disciplina, facéndoa máis visible”.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
