BURELA
ESTA MAÑÁ ESTÁ PROHIBIDO O BAÑO NA PRAIA URBANA DE BURELA E NA DO CABALIÑO, DEBIDO Á PRESENZA DE MEDUSAS NESTES AREAIS.
Burela, 6 de setembro de 2012. Segundo informa a Concellería de Medio Ambiente de Burela na praia da Marosa non hai medusas na mañá de hoxe, en Ril localizóuse algunha entre as algas, pero non na zona de baño e en Penoural non apareceron medusas nesta xornada.
A praia do Cabaliño está chea de medusas ao igual que a metade da praia urbana, de aí que o Concello ordenase a colocación da bandeira vermella prohibíndose o baño nestes dous areais. Desde a Concellería de Medio Ambiente insisten en advertir aos bañistas que si ven medusas non as toquen, debido ás irritacións que pode producir na pel e que fagan caso das indicacións que atoparán nos areais.
Patricia López Eijo que “os bañistas non deben subestimar a situación. Ante a proliferación de medusas é mellor non meterse na auga, tampouco na beira, porque poden existir cachos de tentáculos coa mesma acción urticante”. En caso de ser picados por unha medusa o mellor é lavar a zona con auga mariña e para aliviar a dor o mellor é aplicar frío durante uns 15 minutos e despois haberá que desinfectar a ferida con alcohol iodado dúas ou tres veces ao día durante 48 a 72 horas. Os nenos, persoas maiores ou aqueles que sofren alerxias e que resulten afectados polas medusas poderían necesitar atención especial.
RIBADEO
A PRESENZA DE MEDUSAS NOS AREAIS RIBADENSES OBRIGOU A PROHIBIR DE NOVO O BAÑO ESTA MAÑÁ.
Ribadeo, 6 de setembro de 2012. A presenza de medusas nos areais ribadenses obrigou a prohibir o baño de novo esta mañá. Os bandeiras vermellas están colocadas nas praias de As Catedrais, As Illas/Castros e Esteiro, segundo confirmaba o concelleiro de Medio Ambiente, Horacio Cupeiro. Tamén foron detectadas medusas nas últimas horas nos areais do Cargadeiro e de Rocas Brancas.
O edil nacionalista dixo que “nos últimos días apareceu nas nosas praias unha alta cantidade de medusas. Trátase das chamadas clavel e carabela portuguesa. A primeira ten unha alta toxicidade, é de cor rosado e forma semiesférica, duns 15 centímetros de diámetro e cuns tentáculos bastante longos aproximadamente duns vinte metros, de aí a súa perigosidade”. E seguiu a relatar que “a carabela portuguesa xa a vimos noutras ocasións, ten un flotador cheo de gas, é de cor violáceo transparente e ten unha cresta ou vela que nos serve para detectala a flote, e despois ten uns tentáculos que tamén poden chegar aos 20 metros. O flotador da carabela portuguesa ten uns uns 15 centímetros de largo e 10 de ancho”.
CERVO
O Concello prohibe o baño nas praias cervenses de forma temporal pola chegada masiva de medusas
-A incidencia é desigual segundo os areais. A Caosa é a praia que maior presenza de medusas rexistrou
Cervo, 6 de setembro de 2012-O Concello de Cervo prohibiu o baño nos areais cervenses dende hoxe, e ata novo aviso, despois de detectar unha chegada masiva de medusas a moitas das praias cervenses. Persoal do Servizo de Control de Riscos Ambientais do Departamento Territorial de Sanidade en Lugo estivo hoxe en varios areais do municipio realizando inspeccións oculares para determinar o grao de incidencia, que é alto na praia da Caosa, medio en Cubelas e baixo en Rueta. Aínda así, as restricións no baño afectan a todas as praias do litoral cervense, unha decisión adoptada por precaución, xa que o nivel e o lugar de incidencia pode variar dunhas horas a outras.
Dende a Concellería de Medio Ambiente e Sanidade advirten da importancia de seguir esta prohibición debido aos danos que poden provocar estes animais nas persoas. Cabe ter en conta ademais que incluso mortos estes invertebrados poden afectar á saúde, polo que tamén se recomenda non transitar pola area, e moito menos tocar os exemplares mortos.
A delegada desta área, Begoña Alonso, fixo un chamamento á cidadanía para que siga os consellos do Concello e así evitar que a presenza de medusas teña efectos sobre a saúde de veciños e visitantes. Para iso colocáronse carteis anunciadores desta prohibición, que advirten das restricións tanto escrita como graficamente, en todas as praias do litoral cervense. Ademais, realizáronse avisos a través das redes sociais co obxectivo de que, utilizando varias vías, a información chegase ao máximo número de persoas posible.
O Concello detectara esta mañá a presenza dalgúns exemplares mortos na praia, polo que se puxo en contacto co Departamento Territorial de Sanidade en Lugo para saber se se trataba dunha chegada extraordinaria de medusas, tal e como posteriormente se confirmou.
BARREIROS
Segue habendo medusas en varios areais de Barreiros. Na mañá deste xoves concéntraronse en San Bartolo, Remior e Acantilado. Nestes tres casos recoméndase aos usuarios das praias que non se bañen. O resto dos areais, segundo confirman desde Protección Civil, están limpos e aptos para o seu uso e disfrute.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
