O BURELA FS SUPERA A PRIMEIRA PROBA DA COPA, SOBRE O VIAXES AMARELLE (6-2)
O Burela FS Pescados Rubén amosou onte serenidade e dominio na primeira proba da XXII Copa Galicia, cun claro triunfo sobre o Viaxes Amarelle (6-2).
Xa nos primeiros compases, Lidia e Dolo aproveitaron as oportunidades da escuadra para tomar vantaxe con 2-0, con tan só tres minutos de xogo. O 3-0 tivo a sinatura de Dany, tras un roubo e contundente disparo afastado que entrou pola escuadra.
Cunha defensa en media pista e buscando a contra, o Amarelle mantivo a tónica tras o descanso. Peque conseguiu ampliar as distancias, no minuto 31, nun lanzamento que enganou a meta rival. No entanto, as coruñesas intentaron non desaparecer do partido, cun remate de Monchi (minuto 33, 4-1), pero volveu facer acto de presenza Dany, e por partida dobre (35 e 37), primeiro aproveitando un saque de banda de Dolo e despois superando a porteira tras un pase en profundidade, para subir o 6-1. A escasos 15 segundos para o final, Monchi adornou o resultado, cun disparo ao bordo da área (6-2).
O Valdetires Ferrol FSF, de Segunda, será o segundo e último test das laranxas na fase de grupos copeira, o sábado, no pavillón da Malata, a partir das 16.30 horas.
Ficha técnica
Burela FS Pescados Rubén: Patri, Lidia, Dolo, Peque e Lucía, no quinteto inicial; tamén xogaron Lara, Maite, Dany, Paula, Silvia e Jozi
Viaxes Amarelle FSF: Leti, Monchi, Rebeca, Patri e Lucía, no quinteto inicial; tamén xogaron María Gómez, Sara, Lucía, Sheila, María Pérez e Anabel
Goles: 1-0, minuto 2, Lidia; 2-0, minuto 3, Dolo; 3-0, minuto 13, Dany; 4-0, minuto 31, Peque; 4-1, minuto 33, Monchi; 5-1, minuto 35, Dany; 6-1, minuto 37, Dany; 6-2, minuto 39, Monchi
Árbitros: José Manuel Gómez Arias e Ismael Gómez Vila, da delegación de Lugo (FGFS).
Incidencias: Partido correspondente á fase de grupos da XXII Copa Galicia Feminina. O encontro foi trasladado dende o pavillón da Veiga, en San Cibrao, ao de Vista Alegre, en Burela, debido á condensación da pista. Comezou, ás 21.00 horas.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
