ECONOMÍA E INDUSTRIA ACHEGA AOS AUTÓNOMOS DE LUGO AS CLAVES DO EMPRENDEMENTO E DA XESTIÓN DE EMPRESAS NA ACTUALIDADE
No encontro, que se celebrará o martes na sede de CEAT, abordaranse cuestións relativas ás peculiaridades do novo mercado financeiro e sobre as claves do acceso ao financiamento
Para apoiar o novo emprendemento ou a consolidación dos negocios con menos dun ano en funcionamento impulsados por autónomos ou emprendedores, o Igape mantén activo o programa re-Emprende
A iniciativa, que se desenvolverá en colaboración con algunhas das asociacións de autónomos máis representativas, chegará en próximas datas a Ourense, Vigo e Ferrol
Lugo, 30 de setembro de 2012.- A Consellería de Economía e Industria promove a organización dun ciclo de xornadas técnicas para achegar aos autónomos galegos as claves para facilitar o emprendemento e a xestión das empresas na actual situación económica. Os encontros, que se desenvolverán en colaboración con algunhas das asociacións máis representativas do colectivo, comezarán este martes, día 2, en Lugo, para chegar en próximas datas a Ourense, Vigo e Ferrol.
A xornada, que se celebrará na sede da CEAT en Lugo, pretende achegar a este colectivo empresarial as habilidades necesarias para enfrontar os cambios estruturais que se están a producir nas empresas, no emprendemento e na actividade económica dos diferentes axentes.
Así, a través do seu Servizo de Apoio ao Autónomo, o Igape promove unha reflexión compartida con este importante colectivo empresarial para abordar en común cuestións do seu interese, referidas tanto ao novo emprendemento coma á xestión de negocios en funcionamento. As xornadas achegarán igualmente información sobre as peculiaridades do novo mercado financeiro e sobre as novas claves do acceso ao financiamento.
Para facilitar tanto o novo emprendemento como a consolidación temperá dos negocios promovidos por emprendedores ou autónomos e con menos dun ano en funcionamento, a Consellería de Economía e Industria mantén activo na actualidade o programa re-Emprende, con subvencións que poden oscilar entre o 15 e o 50% dos investimentos subvencionables, comprendidos entre 35.000 e 500.000 euros. O prazo de presentación de solicitudes ao amparo deste programa rematará o próximo 15 de novembro.
A seguinte semana, o martes 9 de outubro, tamén na sede CEI de Lugo abordarase o tema da Demanda e xestión flexible. Para máis información, os interesados poden dirixirse ao seguinte enderezo electrónico: anng@igape.es
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
