Gómez Besteiro: “Non se pode gobernar Galicia sen un proxecto de futuro, e o do PP é un futuro negro”
– O socialista cre que o PP non presentou aínda as listas de Lugo porque “algo pasa aí e ao mellor non teñen o traballo feito”, a pesar da “prepotencia” que amosaron ao dicir que as facían “nunha tarde”
– “Sorpréndeme o PP, que di que vai por un deputado máis; hai que ter un pouco máis de humildade e pensar: e merecimos nestes catro anos un deputado máis?”
– O secretario xeral do PSdeG-PSOE en Lugo asegura que “o PP quere chegar a suprimir o Estado de Benestar”
O secretario xeral do PSdeG-PSOE en Lugo, José Ramón Gómez Besteiro, incidiu esta mañá na unidade do partido para “trasladarlle á cidadanía que Galicia merece un cambio e que hai unha alternativa real”. Besteiro subliñou que “non se pode gobernar Galicia, nin España, nin Lugo, sen ter un proxecto de futuro, e ese proxecto de futuro, se segue o PP, é un futuro negro”, xa que, asegurou, “o sistema público está claramente ameazado por un partido ao que non lle preocupa, e que ten claro onde quere chegar: a suprimir o Estado de Benestar que se sostén con gran esforzo dos cidadáns”. Destacou asimesmo a “ameaza” sobre as pensións, a ensinanza e a sanidade. “En definitiva, fan que todos vivamos peor”, sinalou.
Por outra banda, Gómez Besteiro opinou tamén sobre o feito de que o Partido Popular aínda non teña presentado a lista de candidatos en Lugo para as autonómicas. “Teñen tanta prepotencia que din ´nunha tarde facemos una lista´. Eu creo que realmente algo pasa aí, se non non tardan tanto. Estamos case a un mes da cita electoral e ao mellor non teñen o traballo feito”, sentenciou o secretario xeral dos socialistas na provincia.
Besteiro ironizou ademais co obxectivo que se marcan os populares de cara á cita electoral: “Sorpréndeme o PP, que di que vai por un diputado máis. Cando un vai un cunha petición así, que é lexitima, hai que ter un pouco máis de humildade e pensar ‘home, e merecimos estes catro anos un deputado máis?’”. Segundo Gómez Besteiro, “a cidadanía vai dicir que o PP non o merece”. O socialista convidou á xente “a facer una reflexión. ¿Que fixo o PP durante estes catro anos, que gran obra, que gran actuación lembran máis aló dos recortes?”. Ademais, aseverou que, moi lonxe do que intentan transmitir desde o Partido Popular, “Feijóo non é un bó xestor porque aí están as cifras para desmentilo: Galicia debe o dobre que hai catro anos”.
Alcoa: “Se houbo unha solución con Zapatero, por que non a hai con Rajoy?”
O secretario xeral dos socialistas en Lugo referiuse tamén á situación de Alcoa no día en que comezaron as mobilizacións polo futuro da factoría, nas que estivo presente o coordinador do PSdeG na Mariña Luguesa, José Ramón Val, en apoio aos traballadores. “Se houbo unha solución con Zapatero, por que non a hai con Rajoy?”, pregúntase Besteiro, quen asegura que se non chegan a unha saída positiva “terán que explicalo”. O socialista lamenta levar “seis meses esperando por unha alternativa” e que agora “traballan ás présas, despois do toque de corneta que lles deron desde Alcoa”. Besteiro lémbralle a Feijóo que ten que “poñer as pilas, porque canto máis tempo pase máis riscos hai de que calquera decisión quebrante o futuro de Alcoa”.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
