O pasado xoves, día 30 de agosto, no programa Parolando, a Radio Valadouro pechou oficialmente a tempada 2011-2012. Todo o programa de “Parolando” foi un coloquio sobre a emisora, na que estiveron presentes a inmensa maioría das persoas colaboradoras nos diversos programas, ademais da “alma mater” da Radio Valadouro, o valadourense Xesús Pardeiro. Na temporada que se pecha preto de dez programas diferentes, con temáticas moi variadas, estiveron en antena na Radio Valadouro, todos eles feitos na súa totalidade por voluntarios.
– Os luns emitíase pola tarde o programa de música galega “A Cova dos Sons”, do alfocense Jacobo Rivas.
– Tamén os luns, pero ás nove da noite, o programa “Crónica Deportiva”, no que se repasaban os acontecementos deportivos da fin de semana e se facían entrevistas relacionadas co deporte. O programa estaba feito por Xabier Pardiñas e Andrea Geada.
– Os martes emitiuse o programa de Carlos Portela “Burato Musical”, que versaba sobre música, cine e literatura.
– Os mércores pola tarde o programa de Ana Val “Voyage Voyage”, dedicado ás viaxes por diversos países do mundo e lugares de España.
– Os mércores pola noite era o tempo do misterio, no programa “Enigmas e Misterios”, dirixido polo burelés Eduardo Domínguez.
– Chegados ó xoves o programa “Parolando” ocupaba as noites durante preto de tres horas; nel tiñan cabida a cultura, a xuventude e o coloquio, e era levado a cabo por Matías Nicieza, Sabela Quirós, Pepe de Xermán, Agustín Fernández, Martín González e Pepe Peinó.
– O venres pola tarde era o tempo da xente nova, co programa “E a min que máis me dá”, no que participaban máis de dez rapaces da ESO do Instituto Alfoz-Valadouro, comandados por David Rivas e Sonia Expósito e con diversas seccións. Tamén participaban Lucas Rega, Alma Ramos, Nerea Pena, Andrea Cabanas, Dani Cao, Antonio García, Sara Bouso, Paula Paz, Carlos Paz e moitos máis.
Foron moitas as persoas que se achegaron á Radio Valadouro para colaborar nos diversos programas, tanto de Alfoz e do Valadouro como da Mariña Lucense e de fóra dela.
Durante o coloquio no programa debatéronse os diversos problemas que afectan á emisora, como a ausencia de teléfono para entrevistas a distancia, o desgaste dos compoñentes electrónicos da mesma, os apagóns nas emisións, a posibilidade de retransmitir os programas a través da internet, por citar algúns. Ademais, cada un dos colaboradores que asistiron ó programa leu unha despedida persoal, despedidas nas que afloraron os sentimentos dunhas persoas que forman algo así como unha gran familia radiofónica.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
