O Concello organiza unha reunión cun técnico de Consumo para informar e asesorar aos afectados polos erros nas facturas da luz
-As persoas interesadas en acudir poden chamar a Secretaría de Alcaldía para dar os seus datos e, unha vez confirmado o día e a hora da reunión, prevista para a semana que vén, serán informados telefonicamente da data exacta
-Os datos achegados polos afectados tamén se utilizarán para ofrecer axuda personalizada e un seguimento para cada caso
Cervo, 14 de setembro de 2012-O Concello anuncia que a semana que vén ofrecerá unha reunión dirixida a informar e asesorar ás persoas afectadas polos erros na lectura dos contadores da luz que se están producindo en varios fogares cervenses. Un técnico de Consumo, especialista na materia, será o encargado de achegar información sobre os dereitos dos consumidores e sobre o procedemento a seguir para tramitar as reclamacións. Ao mesmo tempo, esta xuntanza ten unha orientación de asesoramento e resolución de dúbidas, polo que os asistentes poderán realizar todas as preguntas que desexen “para saír da reunión con toda a información necesaria e coas dúbidas aclaradas” explica a edil de Facenda, Tania González.
Todas as persoas que queiran acudir a esta xuntanza poden chamar á Secretaría de Alcaldía para dar os seus datos e así, unha vez confirmada a hora e o día, serán informados telefonicamente. Ademais de recoller o nome e o teléfono para avisar a cada persoa da data exacta do encontro, o departamento de Secretaría tamén fará un rexistro dos datos de cada afectado co obxectivo de prestar unha atención personalizada e facer un seguimento da evolución de cada caso.
A semana pasada entraba no Rexistro do Concello un informe facilitado por unha das afectadas que se comprometera a recompilar datos sobre a situación. Unha vez recibidos os datos agardados, o goberno local analizou o informe e barallou as iniciativas que se podían poñer en marcha para apoiar á veciñanza afectada. “Queriamos que foran accións útiles, que de verdade axudaran aos cervenses, por unha banda achegando información e resolvendo dúbidas e por outra ofrecendo os nosos recursos para garantir un tratamento personalizado a cada caso” manifesta a edil de Facenda “e pensamos que con estas iniciativas cumpriranse ambos obxectivos”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
Durante tres días desfrutan dun programa intenso de actividades na natureza: montaxe e desmontaxe do campamento, surf en Esteiro, tiro con arco, xincana e diversos xogos. A iniciativa está promovida polas Concellerías de Xuventude e Deporte xunto coa Oficina de Información Xuvenil.
Olimpia López, supervisou hoxe en Cospeito un control da campaña de velocidade da DGT, que busca previr sinistros nun verán de maior tráfico. Lembrou que a velocidade inadecuada está presente no 22 % dos accidentes mortais e apelou á responsabilidade dos condutores: cada km/h conta para salvar vidas.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
Estiveron acompañados polas técnicas de xuventude Mónica López Sanjurjo e Silvia Rodríguez Barreiro, para gozar das diferentes piscinas e tobogáns deste parque acuático. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa Verán a Tope en Xove 2026.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
O evento, organizado pola Asociación Cultural Xuvenil O Castelo reuniu a numerosos veciños e visitantes e celebrouse durante catro días. A programación incluíu actuacións musicais, actos relixiosos, xogos tradicionais e unha comitiva da camións, coches e motocicletas que percorreron todas as parroquias deste concello mariñán.
