Nota informativa da Plataforma da Comarca de Mondoñedo Unida outubro-2012.
Despois da Asemblea e da reunión do equipo de traballo da Plataforma celebradas os días 4 e 10 de outubro acordouse o seguinte:
1º/
Xestionar entrevistas cos representantes das Institucións e dos Partidos Políticos cos seguintes obxectivos:
A) Reivindicar a continuidade do Partido Xudicial de Mondoñedo.
B) Reivindicar e facilitar a implantación de Industrias Agrícolas e Forestais que están en proxecto.
C) Traballar a prol dun Plan de Desenvolvemento Turístico na Comarca: para a potenciación do patrimonio histórico-artístico, natural, artesanal e paisaxístico, subliñando a importancia da Catedral, do Seminario Conciliar e do Mosteiros e seus museos, da Cova do Rei Cintolo, da Xudería e o Barrio Artesán dos Muíños, das rutas do Camiño Norte de Santiago, dos Albergues de peregrinos e do Centro de Interpretación do Camiño, dos Centros de interpretación da Faba de Lourenzá e da Alcántara de Mondoñedo, dedicado aos ilustres músicos e escritores, etc. E para a posta en valor das fontes medicinais de augas sulfurosas e ferruxinosas, a recuperación de elementos etnográficos: antigas fábricas de electricidade, muíños, mazos, etc. E a potenciación dos obradoiros artesanais.
D) Solicitar a Colaboración e Coordinación Institucional e Económica dos Concellos da Comarca de Mondoñedo nos ámbitos: Industriais, Turísticos, Culturais, Deportivos, Musicais… co criterio de do funcionamento conxunto para optimizar os recursos e de aumentar a poboación usuaria que permita a sostenibilidade económica dos mesmos.
2º/
Convocar unha Reunión para o Venres 26 de outubro as 20 horas na Casa da Xuventude de Mondoñedo, coas:
Comunidades Veciñais de Propietarios de Montes de Estelo-Tronceda, Figueiras, Viloalle, Sta Mª Maior, Argomoso e A Cazolga.
Asociacións de Produtores de Madeira PROMAMON de Mondoñedo e PROMALOU de Lourenzá e cos representantes da Empresa EOGAL de Biomasa. Para tratar de conveniar a facilitación de materia prima necesaria para o desenvolvemento da industria.
Invitación a Empresa Hortícola de Mondoñedo e seus asesores da Universidade para unha reunión coa Plataforma co motivo de ampliar a información do seu proxecto.
3º/ Confección e Colocación de Pancartas reivindicativas durante as Feiras e Festas de ?As San Lucas? en colaboración coa Comisión de Defensa do Partido Xudicial e do Concello de Mondoñedo. Estas pancartas estarán situadas no Cemiterio Vello de Mondoñedo, na Praza do Concello e ao carón do Campo da Feira dos Remedios, o lema será: ?POR UN FUTURO INDUSTRIAL DA COMARCA E EN DEFENSA DO PARTIDO XUDICIAL DE MONDOÑEDO?.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
