TRES DE TRES PARA OS XUVENÍS LARANXAS
O Burela FS Pescados Rubén segue imparable na Liga Nacional Xuvenil. O sábado conseguiu a súa terceira vitoria, tres de tres, na pista do ADFS Bueu por un categórico 2-5.
A primeira parte foi para os pupilos de Iván Cao ‘Lucas’, que recibiron o descanso cunha vantaxe clara de 0-3. Á volta, os locais reduciron distancias ata 2-3, pero reapareceu a visión goleadora dos laranxas para tomar de novo distancias, co 2-4. O definitivo 2-5 chegou co xogo de cinco dos de Bueu.
Saltaron á pista no cinco inicial, os laranxas Erik, Helder, Fabio, Carlos e Ángel; tamén xogaron Miguel, Aitor, Rubén e Bruno. Polos locais entraron Daniel, Pedro, Raúl, Martín e Miguel Ángel (cinco inicial), ademais de Toño, David, Ángel e Mauro. Fabio, por partida dobre, Hélder, Carlos e Ángel foron os goleadores da vitoria laranxa; polos pontevedreses, Miguel Ángel rubricou os dous tantos.
Na estrea de Autonómica, os cadetes tamén se fixeron cun valioso punto na pista do Club del Mar San Amaro, con empate 2-2.
Liga Nacional Xuvenil
ADFS BUEU 2-5 BURELA FS
Liga Autonómica Cadete
CLUB DEL MAR 2-2 BURELA FS
Amigables
BURELA FS CADETE B 2-11 BURELA FS XUVENIL
AD SANTIAGO DE FOZ ALEVÍN 4-3 ED EON BURELA FS ALEVÍN
AD SANTIAGO DE FOZ BENXAMÍN 5-1 ED EON BURELA FS BENXAMÍN
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
