XA ESTÁN NO CONCELLO AS ESCRITUAS DAS PARCELAS DA UNIDADE DE ACTUACIÓN DE TORRENTES. GONZÁLEZ BARCIA DIXO QUE SERÁN ENTREGADAS AOS SEUS PROPIETARIOS A FINAIS DESTE MES.
Burela, 5 de outubro de 2012. Hoxe chegaron ao Concello de Burela as escrituras das parcelas da unidade de actuación de Torrentes. O alcalde, José Mª González Barcia, dixo que lles serán entregadas aos seus propietarios a finais deste mes, probablemente o día 29 de outubro.
O rexedor explicou que “hoxe pola mañá recollemos no Rexistro da Propiedade de Viveiro as escrituras correspondentes ás parcelas resultantes da unidade de actuación de Torrentes. As escrituras están xa no Concello nas dependencias municipais, xa están completamente listas e serán entregadas aos seus lexítimos propietarios a finais de mes, probablemente o día 29, que é luns. Así cada un deles saberá perfectamente cal e a súa finca, onde está ubicada e cal é a superficie. As escrituras veñen xa completamente listas, é dicir que os propietarios non teñen que facer ningunha actuación engadida sobre ese documento, que xa ven pechado e ten plena validez”.
Para o equipo de goberno “esto é unha satisfacción porque ven culminar un proceso que empezou no ano 2005, que iniciamos nós na nosa anterior etapa de goberno, e que pechamos agora. Eu teño que dicir con toda a claridade que durante os 4 anos do goberno bipartito non se moveu ningún papel, nin un só, no Rexistro da Propiedade de Viveiro con respecto a este tema. Dígoo para que cada quen saque as súas propias conclusións”.
Vivendas sociais rúa O Río
O rexedor indicou tamén que “onte pola mañá representantes da Xunta de Galicia e da empresa adxudicataria asinaron a acta de replanteo e de inicio das obras de reposición dos tellados das vivendas sociais da rúa do Río. Esta obra, demandada polos veciños e que ten pasado por certas vicisitudes, ten un investimento de 120.000 euros aproximadamente e é abordada na súa totalidade pola Xunta de Galicia a través do Instituto Galego da Vivenda e o Solo”.
O alcalde sinalou que “esta obra xa hai anos que se debería estar feita, que había interese por parte da Xunta en facela, que ten un prazo de execución de un mes e medio. Agora imos tentar que se faga con certa celeridade pero, eso si, cumprindo os requisitos mínimos que son esixibles para que os edificios cumpran, despois de rematada a obra, cunhas condicións de habitabilidade acordes cos tempos que corren”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
