Pé de foto:
Reporteiros de CUARTO MILENIO da TV CUATRO por terras de Foz.
Á esquerda o cámara José Alberto Gómez, no centro Xesús do Breogán é á dereita o xornalista Pablo Villarrubia no cemiterio de Foz
O programa que se emite os domingos de noite, Cuarto Milenio de TV Cuatro, que está dirixido por Iker Jiménez e Carmen Porter, nesta ocasión desprazaron a Foz uns reporteiros interesados polas historias e lendas de Xesús do Breogán.
O reporteiro de Cuarto Milenio, Pablo Villarrubia, Doutor en Ciencias da Información pola Universidade Complutense de Madrid e Licenciado pola Facultade de Cásper Líbero (Sao Paulo, Brasil 1986), xornalista e escritor. Xunto co cámara, experimentado fotógrafo madrileño, José Alberto Gómez, estiveron gravando en Foz durante dous días consecutivos.
A historia que impresionou a Iker Jiménez e Carmen Porter, foi a acontecida en Foz entre os días 17 e 18 de setembro de 1929 no cemiterio parroquial, escenario utilizado por unha parella da vila de 18 e 19 anos de idade, que emulando a Romeu e Xulieta, fóronse para o Campo Santo, lugar onde sobre dunha tumba se dispararon un tiro de revolver na sen, atravesando o proxectil o cranio de ambos rapaces quedando os dous cegos a consecuencia das feridas. Emérita que así se chamaba a rapaza, morre quince meses despois do suceso e Nicanor, que así se chamaba el, sobrevive e refai a súa vida casándose con Celia Otero. e traballando de follateiro sendo cego.
Os reporteiros de Cuarto Milenio filmaron varios lugares de Foz, destacando o cemiterio parroquial onde entrevistaron a diversas persoas que lembran tal suceso, así como lugares de A Soalta, Ollo do Mar e A Ronqueira, por onde a parella supostamente tiña previsto suicidarse, cambiando máis tarde ese escenario polo cemiterio.
Participaron nesta filmación, o cronista oficial de Foz, Suso Fernández, que destacou ante as cámaras tal acontecemento e como un dos sucesos máis conmovedores da historia de Foz, e a bibliotecaria Chus Álvarez que louvou a película en corto de 22 minutos, realizada e dirixida polo profesor e dramaturgo Paco Piñeiro sobre da emblemática parella, proxectada na Casa da Cultura co gallo do Día dos Namorados deste 2012.
Xesús do Breogán tamén gravou ante a cámara dúas lendas máis, unha de carácter popular en Galicia como é a Santa Compaña e outra de ámbito local de Foz, “O paxaro que non existía” acontecida no barrio de A Goleta na Espiñeira.
Compre destacar que os relatos facilitados por Xesús do Breogán ós reporteiros de Cuarto Milenio, foron tan interesantes, que os reporteiros deste programa quedaron de volver a Foz dentro aproximadamente de un mes, para continuar con estas lendas, destacando nun principio a lenda dunha misteriosa luz que se aparecía brillando polas noites no medio do bosque e sobre dun muíño da parroquia de Fazouro. Xesús do Breogán e os reporteiros de Cuarto Milenio, xa quedaron con varias testemuñas dese estraño fenómenos, incluso os propios moradores do muíño.
Unha persoa esqueceu unha pota no lume. Queimouse todo o contido do recipiente e a vivenda encheuse de fume, por iso deberon intervir os Bombeiros de Viveiro, para poder ventilar e garantir a habitabilidade. Ninguén resultou ferido. Tampouco dúas mascotas que estaban dentro do inmoble. Quen avisou ao 112 Galicia ás 13:30 horas de hoxe eran os propios afectados, que vían saír fume da súa casa, situada na Rúa Grande, en Celeiro.
Este colectivo organiza, un ano máis, o V Encontro de Camións, que terá lugar na Alameda ortegana este venres e sábado. O encontro serviu para presentar a camiseta oficial desta quinta edición.
Este xoves gardouse un minuto de silencio ante a Casa do Concello, como xesto símbólico en solidariedade coas familias das persoas falecidas e desaparecidas, e con todas as persoas que resultaron vítimas, dun ou doutro xeito, da devastadora DANA que afectou sobre todo, á Comunidade Valenciana e a Castela A Mancha. As bandeiras tamén locen a media asta en sinal de loito.
Os feitos delituosos tiveron lugar o pasado día 18 de outubro, no interior dun establecemento comercial de Ribadeo, cando supostamente a persoa investigada aproveitando un descoido da propietaria do local subtraeu dous aneis dun expositor. No marco da investigación logrouse recuperar un dos obxectos subtraídos, continuando xestións para localizar e recuperar o outro. As dilixencias policiais e a persoa investigada foron postos ao dispor xudicial.
O pasado sábado, 26 de outubro, tivo lugar na Pousada do Almacén en Cervo unha emotiva xuntaza do antigo alumnado do Cole de Cervo dende a xeración de 1977 ata 2006 para homenaxear a súa mestra Lila, con motivo da súa xubilación, estando acompañada polo seu inseparable Toño (tamén mestre no Centro). Lila foi unha carismática mestra que impartíu no Colexio Público de Cervo dende comezos da década dos 90 ata xuño pasado. Máis de 70 persoas asistiron á cea e unhas 110 participaron nos distintos agasallos entregados ao remate cos respectivos discursos. A homenaxe continuou logo no Muíño para rememorar anécdotas dos tempos mozos das persoas asistentes.
A edil Begoña Sanjurjo explicou que “foi unha xornada de convivencia e desconexión do mundanal ruído”. E contou que “a meteoroloxía deixounos desfrutar da contorna do balneario e da área recreativa da Carballeira en Parga, onde comemos”. A concelleira de Igualdade dixo que “foi unha experiencia que nos deixou gañas de repetir”.
Destinado ao público infantil e familiar a partir dos 3 anos. O espectáculo trata a temática da memoria, da vellez, da demencia, da soidade e da dura e esixente tarefa de coidar as persoas maiores e enfermas. Será ás 18 horas.
