VEIGA ACUSA Á XUNTA DE PRETENDER DEIXAR DE PRESTAR SERVIZOS MUNICIPAIS COA SINTAURA DO PROTOCOLO DE COLABORACIÓN PROPOSTO ÁS DEPUTACIÓNS
Vicepresidencia seguirá apostando pola creación de oportunidades laborais a través de talleres de emprego dirixidos aos colectivos máis vulnerábeis
“A pesar de que o paro acada máximos históricos, os gobernos galego e estatal reducen o orzamento dedicado ao fomento de emprego e aos programas de desenvolvemento local incentivando aínda máis a destrución de postos de traballo”
Lugo, 5 de novembro de 2012. O vicepresidente da Deputación e delegado provincial de Benestar Social e Deporte, Antonio Veiga, acusou, esta mañá, aos gobernos autonómico e central de “desmantelar os servizos de emprego ao reducir o orzamento dedicado ás políticas activas de emprego en máis dun 34 por cento para 2013, a pesar de que se están a rexistrar as taxas de parados máis altas de España, de Galiza e de Lugo”.
Para Veiga “o principal reto debe ser a reinserción dos desempregados e iso require incrementar o investimento en políticas activas de emprego cuxos eixos sexan o reciclaxe profesional e a posta en marcha de programas específicos de orientación e formación, o cal non se consegue reducindo o orzamento que debera servir para frear a sangría do paro que, no último mes, só na provincia de Lugo, creceu un 4,8 por cento, o que supón máis de 1.000 novos desempregados”.
“Este desprezo ás políticas activas de emprego –precisou- non é unha novidade, xa que, durante a última campaña electoral, a conselleira de Traballo en funcións, Beatriz Mato afirmou que estas políticas non serven para nada. É inadmisíbel que os gobernos da Xunta e do Estado presuman de controlar o déficit público mentres aproban todo tipo de medidas cuxa única consecuencia é a destrución de máis postos de traballo”.
Pola contra, o vicepresidente da Deputación remarcou que a “institución provincial seguirá apostando pola formación a través dos talleres de emprego dirixidos aos colectivos máis vulnerábeis, como o das mulleres, e apoiando a contratación de axentes de orientación laboral por parte de asociacións de persoas con capacidades diferentes como vén facendo nos últimos anos”.
Trampas da Xunta de Galiza
As zonas máis afectadas polos recortes do Partido Popular son os pequenos municipios, xa que os fondos para proxectos de desenvolvemento local reducíronse un 96 por cento, colapsando os plans de cooperación municipal, eixo básico para a prestación de servizos públicos.
Neste senso, Antonio Veiga insistiu en que “o protocolo de colaboración que, o pasado mes de xuño, a Xunta de Galiza plantexou asinar coas catro deputacións galegas para eliminar duplicidades, fortalecer a xestión conxunta e optimizar a prestación dos servizos públicos era un engano semellante ao do Servizo de Axuda no Fogar básico co que deixou sen servizo a todos os concellos menores de 20.000 habitantes ao retirar toda a partida orzamentaria e cargando co custe do servizo a usuarios, concellos e deputacións”.
“Estamos convencidos –rematou o vicepresidente – que o Goberno galego pretendía a mesma xogada en materia de emprego; retirar as axudas e que concellos e deputacións asuman o fomento do emprego e custe dos promotores de emprego”.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
