Derrota (1-2) con sabor a vitoria ante o todopoderoso Inter Movistar
Despediuse Vista Alegre dos seus xogadores cunha ovación en toda regra a pesar da derrota (1-2) ante Inter. Os de Xullo Delgado fixeron un partido inmenso en defensa, especialmente Iago Barro que parou de todo e por todos lados, e tiveron ata tres dobres penaltis ao seu favor para terminar cedendo ante a calidade de Betao, que fixo o dobrete visitante.
O Burela FS Pescados Rubén continúa sen puntuar, pero o sabor de boca deixado esta noite ante Inter é inmellorable. Os laranxas souberon defender sen apenas erros e aproveitaron ben as súas chegadas á contra para crear perigo, aínda que a fortuna volveu ser esquiva. O adestrador Visitante, Jesús Velasco, eloxiou aos mariñanos e animounos a seguir nesta liña: “deben incidir na súa actitude, que foi moi boa. Se xogan así, sen complexos, competirán como calquera. A súa Liga é a mesma que a de todos e poden gañarlle a todos os equipos”. Para o adestrador local, Julio Delgado, as sensacións eran agridoces, xa que “foi unha pena. Non soubemos rematar a un equipo como Inter logo de ter tres dobres penaltis ao noso favor. Quédome co aplauso final do público aos seus xogadores e a actitude de sacrificio demostrada durante os corenta minutos”.
Empezou anotando o Inter no minuto 5 por mediación de Betao pero Dani Martín deu a igualada ao Pescados Rubén logo dun excelente disparo desde fóra da área. A segunda parte foi igualada, cun Movistar envorcado na meta laranxa que sufría as acometidas á contra dos de Julio Delgado. O Burela FS dispuxo nos últimos minutos de tres disparos mercé a cadanseu dobre penalti, pero non tiveron acerto Nacho Pedraza, Christian nin Dani Martín. O gol final, con porteiro xogador, de Betao (1-2) foi respondido coa mesma táctica de cinco por parte local, pero non tivo resultado. Gran entrada en Vista Alegre, con cheo ata a bandeira e un público entregado que ovacionou aos xogadores desde segundos antes do asubío final.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
