O BNG critica a actitude do alcalde de Muras con respecto ao peche da oficina de Novagaliciabanco

O BNG CRITICA A ACTITUDE DO ALCALDE DE MURAS A RESPECTO DO PECHE DA OFICINA DE NOVAGALICIABANCO.

O BNG XA ALERTOU DA POSÍBEL PERDA DA OFICINA EN OUTRUBRO DE 2011 QUE O ALCALDE CONTESTOU CON INSULTOS

OS NACIONALISTAS DICEN QUE O PP TANTO EN SANTIAGO COMO E MADRID DEBERÍA DAR EXPLICACIÓNS DO QUE ESTÁ A PASAR CO DESMANTELAMENTO DAS CAIXAS GALEGAS

A Mariña, 22 de novembro de 2012. O BNG critica a actitude do alcalde do PP Issam Alnagm Azzam en relación có peche da oficina bancaria no Concello de Muras , lembran que o 5 de outubro do ano 2011 presentaron unha pregunta para ser contestada no pleno, onde lle pedían ao alcalde tomar unha serie de medidas para a defensa da oficina bancaria na vila xa que consideran os nacionalistas que esta é un pilar para o sustento da vida económica do Concello e que facilita a xeración de riqueza e a vida aos seus habitantes, a resposta do alcalde foi dicirlle ao portavoz do BNG que non sabía o que dicía e que se deixara de tonterías.

Dende o BNG de Muras queremos denunciar a hipocresía do Sr. Algnam Azzam que lles vende aos veciños que está coa defensa de Novagaliciabanco no Concello, máis este traballa con outras entidades bancarias que non se atopan na vila.

Os nacionalistas tamén consideramos culpable desta situación á Xunta de Galicia e principalmente ao seu presidente o Sr. Feijoo, que apareceu como valedor da fusión das caixas galegas cos seus antigos presidente, unha fusión que foi vendida á sociedade como a solución para o mantemento do aforro e o financiamento galego no país, cousa que á vista está non foi así e mais ben ao contrario como se está a demostrar tanto co fraude das preferentes como co peche deste servizo nos pequenos concellos do país. Neste mesmo carro metemos ao Goberno Central, xa que esta entidade está controlada polo FROB, entendemos que neste asunto o Partido Popular algo terá que dicir.

Dende o BNG defendemos a necesidade da permanencia da oficina de Novagaliciabanco na vila, xa que do contrario o Concello acabará por desaparecer, aínda que consideramos que a defensa dos intereses dos veciños e veciñas de Muras nestes intres está en entredito polo vacio de poder existente. Logo das continúas imputacións nas que se atopa incurso o actual rexedor Issam Algnam Azzam.