O BNG DE FOZ EN CONTRA DOS RECORTES QUE O PP QUER FACER NA PROTECCIÓN DAS VÍTIMAS DE VIOLENCIA DE XÉNERO
No 2013 os recortes que o PP fai nas partidas destinadas á prevención da violencia machista redúcense ata un 70%
Foz a 21 de novembro de 2012.- O BNG de Foz ven de rexistrar unha moción en pleno para defender e mellorar as axudas e a protección das mulleres vítimas da violencia de xénero e oporse a calquera tipo de recorte na loita contra a mesma, como está a facer o PP desde a Xunta e desde o Estado.
Malia os esforzos realizados nos últimos anos, malia o desenvolvemento lexislativo, estamos a ver como o medre do paro e o desmantelamento dos servizos públicos está empobrecendo de xeito especial ás mulleres e afectando gravemente á súa vulnerabilidade ante a violencia machista. Este ano son xa 53 as mulleres asasinadas en todo o Estado, 4 delas en Galiza. A pesar do número elevado de mulleres asasinadas o PP segue facendo recortes e quitándolle relevancia a esta problemática ao mesmo tempo que incumprindo a Lei de Igualdade que din defender. Para o próximo ano os recortes que o PP fai nas partidas destinadas á prevención da violencia machista redúcense ata un 70%. Isto suporá menos atención e menos prevención o que previsiblemente aumentará o número de vítimas.
Para o BNG, a dependencia económica é o maior dos obstáculos para que as vítimas de violencia de xénero rachen coa relación que pon en perigo as súas vidas e por iso rexeitamos os recortes en programas e recursos imprescindíbeis para apoiar ás mulleres que deciden dar o paso como por exemplo a axuda coñecida como salario da liberdade, que chegou en 2010 a 369 mulleres e só a 251 en 2011.
A sombra sobre a continuidade da gratuidade da xustiza e a suba de taxas xudiciais a particulares, que cuestionan o dereito á tutela xudicial, pode influír na decisión final de interpoñer unha denuncia por parte das vítimas ademais de producirse recortes, entre outros, no acompañamento das mulleres para accederen aos recursos e durante os procesos xudiciais. Tamén o persoal especializado e o voluntariado que realizan estas funcións vese tamén afectado polos recortes das axudas aos concellos e outras entidades.
Para o BNG é grave que sigan sen desenvolverse medidas previstas na Lei 11/2007, relativas á implicación do SERGAS na detección, prevención e asistencia ás vítimas de violencia de xénero porque isto pode significar un aumento dos casos de violencia contra as mulleres . Tampouco se realiza na rede pública a atención psicolóxica de mulleres e crianzas afectadas, unha atención fundamental para construír a autonomía persoal e iniciar unha nova vida.
Moitos concellos teñen sido pioneiros no desenvolvemento de medidas contra a violencia de xénero. Nestes momentos de dificultades orzamentarias débense manter e mellorar as actuacións contra a violencia de xénero e de protección ás vítimas. Débese tamén reclamar doutras instancias competentes, o cumprimento das obrigas, da garantía do dereito das mulleres a vivir sen violencia.
Por todo isto, o BNG proponlle ao Pleno da Corporación municipal comprometerse a mellorar os recursos municipais de información, acompañamento e asistencia a vítimas de violencia de xénero, facilitar o acceso ás axudas económicas e á atención psicolóxica e garantir a tutela xudicial das vítimas evitando a disuasión económica das taxas xudiciais. “Os actos simbólicos serven para concienciar á sociedade deste problema pero isto debe acompañarse de medidas de prevención, axuda e asistencia ás vítimas, porque se no os actos non serven da nada” asegura Basanta.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
