O BURELA FS COÑECERÁ O RIVAL DAS SEMIS DE COPA EN SOTO DEL BARCO
O Burela FS Pescados Rubén coñecerá mañá o rival das semifinais da XXII Copa Galicia mañá en Asturias, inmerso nun amigable co Soto del Barco, da Segunda División B (20.30 horas). O sorteo entre os honorables Santiago Futsal e Azkar Lugo, os laranxas e O Parrulo, de Segunda B, está previsto para as 19.00 horas. “O equipo de Ferrol parece a priori máis accesible, pola diferenza de categoría, pero tamén recibiriamos moi ben a noticia de medirnos a un dos de Primeira porque poderiamos xogar en Vista Alegre e despois de tanto tempo sen competición sería realmente motivador; temos moitas ganas de estar de novo ante a nosa afección” vaticinou o adestrador, Julio Delgado, amosándose optimista sobre a cita autonómica.
O equipo mariñán conseguiu o billete dende cuartos tras vencer con claridade ao Noia FS (1-6) a semana pasada, nun encontro que o técnico burelista cualificou de “serio e responsable”. “Tras o empate ante o Azkar (2-2) en Asturias, buscábase un bo resultado para subir a moral do equipo e os xogadores responderon con moita responsabilidade” declarou Julio Delgado, identificando a incerteza dos minutos iniciais pola inquietude de facerse co partido: “O rival aproveitou o noso exceso de ansiedade por gañar axiña e sorprendeunos poñéndose por diante no marcador, pero o equipo soubo reaccionar asentándose e collendo as rendas do partido” xustificou o estratega. Julio tamén valorou o papel da xuventude burelista, coa estrea de Carlitos e Souka xunto a Antón: “Os tres disputaron xuntos os últimos minutos en pista e a súa predisposición foi marabillosa; os rapaces teñen onde mirarse, ven que teñen saída no equipo sénior e iso dálles confianza” explicou o salmantino, que tamén loou o traballo de Iván Cao ‘Lucas’ na preparación do conxunto filial e no xuvenil: “O traballo de estratexia e sistema de xogo sobre o que se fundamenta Lucas garda moitas similitudes co noso, por iso a adaptación dos rapaces é tan rápida”.
O técnico laranxa destacou a cita de mañá na preparación do conxunto para regresar nas mellores condicións posibles á liga, o 24 de novembro: “Será outra oportunidade para manter a dinámica de competición, para realizar traballo de pista, incidir sobre aspectos de finalización e a responsabilidade sobre a cancha” explicou o técnico.
Pouco a pouco, parece que chegan as boas novas ao vestiario do Burela FS Pescados Rubén; Christian xa recibiu a alta médica e Mimi, Nacho Pedraza, Iago Míguez e Hugo experimentan unha notable mellora. Tras as revisións médicas desta tarde, mañá poderá coñecerse a expedición definitiva, que contará con caras do filial e con Cesinha. Diego Suárez xa se reincorporou ao traballo do seu equipo, Avilés Sport.
No enfrontamento anterior entre asturianos e galegos, en pretempada, os de Julio Delgado impuxéronse por 12-1.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
