ACLARACIÓNS DA DEPUTACIÓN SOBRE AS OBRAS DE MELLORA NA VÍA PROVINCIAL DE RIOTORTO Ó MARCO DE ÁLVARE:
1.- A Deputación non ten paralizadas as obras de mellora na vía provincial do Marco de Álvare a Riotorto (CP 5501). Estas actuacións están baixo o estudo dos técnicos provinciais e da empresa adxudicataria, persoal que está a avaliar se os taludes, é dicir, os terreos subterráneos que sustentan a estrada, son estables. Trátanse duns traballos ordinarios, que se realizan durante as excavacións co fin de garantir a seguridade dos seus futuros viandantes, así como de executar unha estrada de óptimas condicións.
2.- Esta mesma semana, unha vez determinado o nivel dos taludes, é dicir, constatado onde o terreo é estable, os técnicos determinarán a rasante, que é a altura da vía, delimitando o nivel das excavacións necesarias.
3.- Axustándose a legalidade e só no suposto de que fose necesario modificar a rasante do vial, a Deputación realizaría un modificado do proxecto inicial, asunto que se trataría na Xunta de Goberno Provincial, QUE EN NINGÚN CASO IMPEDIRÁ CONTINUAR COS TRABALLOS QUE SE ESTÁN A REALIZAR NA CP 5501 Ó NON CAMBIAR O PRESUPOSTO. É POR ELO QUE, LOGO OS ESTUDOS DOS TÉCNICOS, A SEMANA PRÓXIMA AS MÁQUINAS ESTARÁN NA ZONA.
4.-As formas deste Goberno Provincial difiren moito das do PP, partido que, dirixindo a Deputación, deixou adxudicadas estas obras malia non ter nin cartos nin terreos.
5.- A Deputación está a cumprir cos veciños, executando as mellora da estrada de Riotorto ó Marco de Álvare, actuacións que o Partido Popular de Lugo nunca quixo acometer, enganando ós lucenses, e que paralizou durante máis de dous anos, tempo que os seus compañeiros na Xunta de Galicia tardaron en resolver as expropiacións imprescindibles e legais para realizar as obras.
6.- A Deputación está a executar estas actuacións logo de investir 1,5 millóns de euros. Desta cantidade, a institución achegou 440.000 euros ás expropiacións dun total de 194 fincas e 1.060.000 euros ás actuacións de mellora dende o punto quilométrico 0,000 ó 5,800. Son, polo tanto, 6 quilómetros nos que se eliminarán curvas, se mellorará o trazado con aglomerado en quente, se ensanchará o vial ata os 8 metros e se situará sinalización horizontal e vertical.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
