CIUDAD DE ALCORCÓN, ÚLTIMO DESPRAZAMENTO DO ANO PARA O LÍDER DE PRIMEIRA
O Burela FS Pescados Rubén pechará a xira de 2012 viaxando á pista do Ciudad de Alcorcón, rival que non perdeu en absoluto o toque no seu regreso á categoría, tras unha tempada en Segunda, ocupando a quinta praza (20 puntos). Madrileñas e mariñás decidirán a 12ª xornada de Primeira o domingo, ás 13.00 horas.
A escuadra laranxa (29 puntos) ten os obxectivos claros na volta da competición ligueira, co regreso tamén de Peque e Jozi dos seus exitosos periplos internacionais. Hai que manter, ou incluso ampliar, as distancias co segundo, Atlético de Madrid Navalcarnero (26), ao que se lle presenta duelo directo, coa visita do Gironella, terceiro clasificaco (22).
As pupilas de Javier Pardeiro poñerán a proba a súa imbatibilidade ante un equipo cuxas armas residen na fortaleza física e na presión: “Será un encontro difícil; o Alcorcón está facendo moi ben as cousas e se non queremos descoidos temos que saír a gañar” explica con rotundidade a promesa máis nova das laranxas, Paula Cortiñas, que vén de estrearse na preparación de Galicia Sub-17 de cara ao nacional de seleccións territoriais. “Estou contentísima, creo que pouca xente se pode imaxinar a ilusión desta nova oportunidade. Así quítome a pequena espiña que tiña cravada da selección infantil, coa que me lesionei no primeiro adestramento. Vou coa mesma ilusión e ganas coas que traballo todos os días co Burela FS” dixo con certo nerviosismo a pivote cervense, que tamén agradeceu os minutos disputados coa camisola burelista para seguir medrando: “Hai un cambio notable con respecto á tempada pasada; son unha xogadora máis madura. Este ano podo gozar cada vez máis de máis minutos e aprovéitoos como momentos únicos; un calafrío aínda me percorre o corpo cando me avisa Pardeiro para saír, pero tomo un trago de auga e respiro fondo e despois, co apoio das compañeiras, todo é doado” explicou Paula.
A cervense, como o resto das súas compañeiras, agarda encarrilar a loita polo título na recta final desta primeira volta. “Temos que estar preparadas e chegar o mellor posicionadas posible ao final da primeira volta; temos que depender de nós mesmas. Pecharemos con descanso e antes medirémonos ao Navalcarnero e debemos chegar con plento de vitorias para que non se sintan máis fortes; se elas non nos quitan de aí, creo que ninguén o vai poder facer” asegurou o presente e futuro do espírito laranxa.
Adeus a 2012. O cadro de Javier Pardeiro despedirá o ano na casa a vindeira fin de semana. O Burela FS e o murciano Roldán, outro dos que estrean categoría, saltarán á pista de Vista Alegre na véspera de Noiteboa, o domingo 23, ás 12.30 horas.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
