IAGO MÍGUEZ: ‘QUITÁMONOS ANSIEDADE, ESTE PUNTO DÁNOS CONFIANZA PARA SEGUIR PELEXANDO’
A historia laranxa de Primeira cambiou o sábado. O Burela FS Pescados Rubén subiu o seu primeiro punto na elite tras un trepidante encontro ante o Colegios Arenas Gáldar de Gran Canaria (2-2). O empate na bomboneira deixou unha mestura de sensacións contrapostas no vestiario laranxa, dominador sobre a pista e sobre o electrónico ata a recta final. “Nun primeiro momento non saímos contentos, porque vimos o partido encarrilado e no último cuarto escapóusenos. Non obstante, este punto dános confianza para seguir pelexando; con el quitámonos a ansiedade da cuadrícula baleira e pode ser decisivo ao final” confesaba Iago Míguez, que estreou a súa conta goleadora da tempada abrindo o luminoso e converténdose nun dos máis activos en ataque fronte aos insulares.
O ala-pivote burelista amosou a súa mellor cara coa “dose de moral e tranquilidade” da igualada: “Non podemos estar satisfeitos cos resultados, pero si co traballo. Eramos un equipo novo e co paso das xornadas estamos demostrando que imos a máis e que estamos manténdonos animicamente. Temos o potencial necesario para estar máis arriba; abrimos a puntuación o sábado e a partir de agora cada partido é crucial para saír dos postos de promoción”.
O cadro de Julio Delgado viaxará a Navarra na vindeira xornada (sábado 15, 18.30 horas) co Ríos Renovables como obstáculo para a súa primeira vitoria no horizonte máis inmediato. “É un equipo moi competitivo. Debemos ir a por todas; estamos acostumados ao ambiente na bancada, pero esta vez seremos o inimigo nunha pista que tamén empuxa moito” avanzou Míguez.
Para participar, só é preciso realizar unha compra igual ou superior a 10 euros e rexistrar o tícket na web 
Trátasde dunha adaptación da novela de Neira Vilas no décimo aniversario da súa morte, dirixida por Cándido Pazó. 20.30 horas.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
A alcaldesa de Lourenzá, Rocío López, explica que foi “un encontro para compartir, aprender e lembrar a importancia da prevención, a detección precoz e a investigación. E, como símbolo de apoio, un lazo rosa ilumina a fachada da Casa do Concello e os donativos recollidos destinaranse integramente á AECC”.
Ribagorda visitou Ribadeo acompañado polo director xeral de Comercio, Gabriel Alén, nun percorrido polas principais rúas comerciais da vila, xunto ao xerente de ACISA, Jesús Pérez, e a concelleira de Comercio, Marta Saiz. Na Pontenova, o presidente da Asociación de Comerciantes, José Luis Balseiro, reuniuse tamén con Alén e Ribagorda. A campaña “De compras pola Mariña”, promovida pola FCAM e financiada por Comercio Galego e a Xunta de Galicia, difundirá varios vídeos nas redes sociais e na plataforma De las cosas del comer. Ribagorda percorreu estes días Foz, Lourenzá, Viveiro, Burela, Ribadeo e A Pontenova, achegándose ao comercio local e ao patrimonio natural e cultural da comarca.
O encontro principal terá lugar no comedor da carta o mércores 28 de outubro, ás 14:30 h. Ese mesmo día, ás 09:00 h, Jesús Manuel Blanco García, presidente da asociación micolóxica Os Bolouros, ofrecerá unha charla introdutoria para abrir a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
