O BURELA FS ESTREA A SÚA CUADRÍCULA CON EMPATE ANTE OS INSULARES (2-2)
O Burela FS Pescados Rubén estreou a súa cuadrícula en Primeira con empate, na visita do Colegios Arenas Gáldar de Gran Canaria (2-2), nunha tarde na que a escuadra laranxa mereceu máis. Os mariñáns, que puxeron todas as súas cartas sobre a mesa, viron escapar a vitoria na recta final do encontro, en tan só dous minutos.
Desde o primeiro momento, os dous equipos ensinaron as uñas; ambos saíron a por todas, querendo o control do balón e exercendo unha defensa avanzada. A maior presión laranxa tivo o seu primeiro aviso antes de cumprirse o segundo minuto de xogo, cun disparo de Hugo, moi perigoso, que se estrelou contra o traveseiro. Rozando o ecuador, o Burela FS tivo dobre oportunidade de infarto, primeiro nas zapatillas de Iago Míguez a pase de Enrique e despois un dos grandes oportunistas da cita nos erros do rival, Dani Martín. Así, no minuto 12, estalou o xúbilo en Vista Alegre, con Iago Míguez perforando a malla insular (minuto 9), tras un roubo de Dani ao bordo da área burelista, con galopada incluída. A intensidade de ambos os conxuntos desencadeou en idas e vindas de infarto; roldando o minuto 16, o Pescados Rubén volveu asediar a meta de Dani Cabezón, con Christian nun corpo a corpo, e Enrique, dúas oportunidades desaproveitadas entre as que o Gáldar tamén xerou perigo á contra, aínda que aí estaba Iago Barro, preparado para frealo. A falta de 58 segundos para o descanso, Dani Martín volveu levantar os preto de 1.200 afeccionados que se deron cita na bomboneira, co 2-0, logo de varios rexeitamentos da defensa canaria. A nota negativa desta primeira parte para os de Julio Delgado foi a retirada de Nacho Pedraza, tras un esvarón sobre a pista.
O duelo renovouse con ambiente caldeado. Os laranxas tiveron que afanarse nunha defensa seria e meticulosa tras a aposta do Colegios Arenas polo xogo de cinco, cunha nova aparición de Iago Míguez, no cambio de porteiro, que a punto estivo de ampliar a vantaxe para os de Julio Delgado. O cadro mariñán neutralizou o perigo sobre a súa portería con rigorosidade e fíxolle desistir do porteiro-xogador ao rival, xa con cinco faltas acumuladas. Chegando ao último cuarto, as transicións rápidas e o precipitado cambio de posesión do esférico desencadeou nun maior protagonismo dos metas. En dous minutos (36 e 38), Aitor puido bater a Iago Barro para subir o empate 2-2, que volvía meter os canarios no partido para loitar polo triunfo. Julio Delgado solicitou tempo morto para saír a por todas, con André como porteiro-xogador, opción pola que tamén se decantou Suso Méndez. Nos últimos segundos, Christian, de disparo raso lixeiramente desviado, e André, nun lanzamento alto, esgotaron os cartuchos dos tres puntos. A bucina final soou con André freando o contraataque rival.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
