JOSÉ CASAS ASEGURA QUE UNHA DAS MÁXIMAS PRIORIDADES DO EQUIPO DE GOBERNO É A CREACIÓN DE POSTOS DE TRABALLO E A FORMACIÓN DE DESEMPREGADOS. A XUNTA ACABA DE CONCEDERLLE UNHA NOVA SUBVENCIÓN AO CONCELLO PARA A CONTRATACIÓN DUN AXENTE DE EMPREGO E DESENVOLVEMENTO LOCAL.
Burela, 21 de decembro de 2012. O concelleiro de Emprego, José Casas, asegura que unha das máximas prioridades do equipo de goberno é a creación de postos de traballo e a formación de desempregados. O edil subliña que a Xunta destinou neste 2012 ao Concello 485.000 euros para estes fins. Deste xeito resposta ás críticas vertidas polos socialistas no pleno extraordinario celebrado na xornada de onte.
Casas sinalou que “o portavoz do PSOE non se entera de nada cando di que desde o equipo de goberno non temos interese polas políticas de emprego. Coa nova subvención que nos acaban de conceder a Xunta aportoulle ao noso Concello durante este 2012 máis de 485.000 euros para a creación de emprego e para a formación de desempregados”.
O edil de Emprego pregúntase “si o señor Llano durante o bipartito pode presumir de cifras coma éstas das que estamos a falar. Ao longo deste ano empregamos a 45 persoas en distintos postos, formamos a 60 desempregados en catro cursos e temos en marcha un obradoiro de emprego con 3 docentes e 15 alumnos, que perciben uns 700 euros ao mes”.
José Casas engade que “estas políticas da Xunta e do Concello de Burela chocan coas que se practican desde a Deputación que utilizou aos parados no Lugo Emprega como arma electoral e agora esquécese dos desempregados totalmente. Queremos preguntarlle ao señor Llano si apoya que se impartan cursos de formación por parte da Deputación onde se dan títulos non homologados. E que nos diga tamén cántos postos de traballo se crearon en Burela co apoio da institución provincial. Xa lle podemos decir que a cifra é 0”.
Coma mostra da preocupación que o goberno municipal de Burela ten polo emprego e tamén o goberno galego a Xunta ven de concederlle unha subvención ao Concello para a contratación dun axente de emprego e desenvolvemento local. O concelleiro José Casas amósase satisfeito “polo compromiso do goberno galego para que poidamos seguir creando ou mantendo postos de traballo en Burela. Con esta nova subvención chegamos aos 485.000 euros neste ano aportados pola Xunta ao noso Concello”. O contrato terá unha duración dun ano. O aedl ten coma función básica colaborar na implantación das políticas activas de emprego relacionadas coa creación de actividade empresarial no concello.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
