63 DOS 67 CONCELLOS DA PROVINCIA ADHERÍRONSE AO PROTOCOLO PRESENTADO POLA VICEPRESIDENCIA DA DEPTUACIÓN QUE GARANTE A CONTINUIDADE DO SERVIZO DE TELEASISTENCIA DOMICILIARIA
Antonio Veiga asegura que o regulamento de funcionamento e admisión de novos usuarios farase en colaboración cos concellos e espera que este sexa aprobado no pleno de xaneiro
Vicepresidencia insiste en que a Deputación de Lugo é a institución provincial que máis orzamento dedicará a servizos sociais en 2013
Lugo, 21 de decembro de 2012. Case a práctica totalidade dos concellos da provincia de Lugo, 63 de 67, asinaron o protocolo para o desenvolvemento da Teleasistencia Domiciliaria proposto pola Vicepresidencia da Deputación para garantir a continuidade de dito servizo tras a decisión do Goberno do Estado de suprimir a partida orzamentaria que o Ministerio de Sanidade, Servizos Sociais e Igualdade, dedicaba, a través do IMSERSO, á cofinanciación do 65 por cento de dito servizo.
Antonio Veiga, vicepresidente da institución provincial e delegado de Benestar Social, afirmou, hoxe, durante a rolda de prensa posterior á Xunta de Goberno que “grazas a esta iniciativa, a Teleasistencia Domiciliaria será cofinanciada ao 50 por cento pola Deputación e os concellos permitindo que máis de 1.400 lucenses poidan seguir vivindo no seu entorno habitual, cos beneficios recoñecidos por expertos que iso supón, e estando atendidos ante calquera situación de emerxencia as 24 horas do día durante todo o ano”.
“Somos conscientes – continuou Veiga- do esforzo que, nestes intres, supón cofinanciar ao 50 por cento a Teleasistencia Domiciliaria tanto para os concellos como para a propia Deputación que incrementa nun 15 por cento a súa aportación, pero entendemos que se trata dun servizo imprescindíbel para garantir o benestar dun colectivo vulnerábel que sen a Teleasistencia Domiciliaria quedaría desprotexido e en situación de exclusión dado que a maioría dos usuarios e usuarias son persoas cunha media de idade que supera os 80 anos e que viven soas”.
A principios de xaneiro, os protocolos asinados por concellos de todas as cores políticas remitiranse á Xunta de Goberno da institución para a elaboración dun convenio de colaboración e un regulamento sobre o funcionamento do servizo e os criterios de admisión de novos usuarios e usuarias que se levarán ao pleno do vindeiro mes para a súa aprobación para, posteriormente, poder sacar a concurso a adxudicación do servizo de Teleasistencia Domiciliaria. Neste senso, o vicepresidente insistiu en que “o regulamento elaborarase en colaboración cos concellos e recollerá criterios claros e transparentes para a inclusión de novos usuarios e usuarias”.
Dende a área de Benestar Social saliéntase e agradécese a responsabilidade amosada pola maioría dos alcaldes ao aceptar a proposta da Vicepresidencia; “responsabilidade que -segundo Antonio Veiga- non demostraron nin o Goberno central, nin a Xunta de Galiza quen non tivo a ben pronunciarse sobre este asunto e nin contestou ao acordo plenario desta Deputación no que se lle instaba a asumir a parte de cofinanciamento que se nega a aportar o Ministerio de Sanidade, Servizos Sociais e Igualdade”.
A Deputación de Lugo, a institución provincial galega que máis inviste en servizos sociais
Con respecto á reclamación administrativa presentada polo Partido Popular sobre o investimento da Deputación en materia de servizos sociais previsto nos orzamentos para 2013, Veiga afirmou non estar disposto a votar en contra dun informe preceptivo dun servizo técnico porque “nunca o fixen e nunca o farei, xa que estaría incorrendo nunha ilegalidade e nun delito que ten un nome que todos coñecemos”.
O vicepresidente pediu ao Partido Popular que “se informe antes de facer determinadas declaracións porque se ben é certo que a Xunta remitiu ás deputacións unha proposta de convenio para o financiamento dos servizos sociais, ningún ente o asinou e, en calquera caso, o investimento da Deputación de Lugo supera o plan concertado da Xunta. A de Lugo seguirá a ser a institución provincial galega que máis dedicará a servizos sociais o vindeiro exercicio sen deixar excluídos a determinados municipios por razóns de cor política”. Neste senso lembrou aos populares que “por motivos políticos as deputacións de Pontevedra e Ourense deixarán fóra do servizo de Teleasistencia Domiciliaria ao 77 por cento dos usuarios e usuarias ao non incluír concellos como os de Vigo e Pontevedra e ao 40 por cento ao excluír o concello de Ourense, respectivamente, e a Deputación de A Coruña non financiará a Teleasistencia Domiciliaria do 80 por cento de usuarios e usuarias ao deixar fóra os municipios de A Coruña, Ferrol e Santiago de Compostela”.
Sobre esta asunto, dende a institución provincial conclúen que non tolerarán que “o PP empregue a súa recorrente estratexia de repetir mil veces unha mentira para que se converta en verdade”.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
