Barreiro presenta a súa candidatura e logra máis de trescentos apoios
Lugo, 22 de xaneiro de 2013.- Nunha xuntanza mantida esta mañá, o Comité Organizador do XVI Congreso Provincial proclamou oficialmente candidato á Presidencia do Partido Popular de Lugo a José Manuel Barreiro Fernández.
A Presidenta do Comité Organizador, Julia Rodríguez, manifestou que o prazo para que os aspirantes á Presidencia do PP de Lugo presentasen as súas candidaturas expiraba onte e o único que a presentou foi o actual presidente do partido, José Manuel Barreiro, que conseguiu máis de 300 apoios, superando “con creces” o mínimo esixido que era de 75 avais.
Rodríguez afirmou que a candidatura contou co respaldo de deputados autonómicos, nacionais e provinciais, senadores e do Delegado de Goberno en Galicia, entre outros.
Manifestou a Presidenta do Comité Organizador, que o líder dos populares lucenses manterá reunións con membros do partido en cada comarca para dar a coñecer as súas propostas e ideas para o goberno interno da formación nos vindeiros anos.
Deste xeito danse os pasos previos de cara á celebración do congreso, que é unha manifestación da máxima expresión de democracia interna que pode haber no seo dun partido político, e tamén se está a traballar na concreción, nos vindeiros días, do seu calendario.
O PP de Lugo aspira a que o de marzo sexa un congreso sereno e centrado no debate sobre as ideas e non sobre as persoas, algo que non todos os partidos poden garantir.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
