O dispositivo de emerxencias activado pola Deputación atendeu máis de medio cento de incidencias en apenas 48 horas
– Os 102 traballadores e os 54 vehículos do operativo activado atenderon unha media dunha incidencia á hora en preto de 50 estradas de 29 Concellos da provincia. A estrada LU-P-1301, no Courel, é a única das vías provinciais que permanece pechada polos graves danos estruturais provocados polas intensas choivas caídas
Os efectivos postos en marcha pola Deputación de Lugo o pasado venres tiveron unha intensa fin de semana por mor do temporal que afectou á totalidade da xeografía galega. As intensas choivas caídas, xunto cos fortes ventos, provocaron numerosas incidencias que afectaron á rede viaria provincial, a cal conta con máis de 4.000 quilómetros. O dispositivo posto en marcha o pasado venres amosou a súa efectividade, acadando unha media dunha incidencia atendida á hora, as cales se localizaron en numerosos puntos da provincia. De feito, o temporal afectou á normalidade do tráfico en máis de 50 vías de 29 Concellos, provocando máis de 50 incidencias en apenas dous días.
En canto á natureza dos incidentes, destacaron especialmente os máis de 20 cortes nas estradas, tanto parciais coma totais, provocados por pola acumulación de auga nas mesmas, seguidos moi de preto polos provocados por desprendemento de terras, que rondaron a mesma cifra. Foi menor (5) o número de peches temporais de vías por mor de caída de árbores. Ó vento e a chuvia hai que sumar as nevadas caídas nos Concellos da Montaña, que xa durante a fin de semana deron traballo ás máquinas quitaneves da Deputación, que tiveron que acudir a dar resposta inmediata a 10 incidencias puntuais.
Os Concellos especialmente afectados foron os de Abadín, Antas de Ulla, Baleira, Becerreá, Begonte, Bóveda, Carballedo, Castro de Rei, Cospeito, O Courel, A Fonsagrada, Foz, Friol, Guitiriz, O Incio, Mondoñedo, Pedrafita, Pobra de Brollón, Pontenova, Quiroga, Ribadeo, Sober, Trabada, Viveiro, Xermade, Navia de Suarna, Pastoriza, Ourol e O Vicedo.
O intenso traballo levado a cabo polos traballadores do organismo provincial durante toda a fin de semana fixo posible que a circulación quedase restablecida con normalidade, agás na LU-P-1301, no tramo que transcorre polo Concello do Courel, que aínda permanece pechada polo importantes danos estruturais que presenta.
Neve na Montaña lucense
Malia ter pasado as xornadas de máis intensidade do temporal, na Montaña lucense a presenza de neve segue facendo necesario o traballo das 6 máquinas quitaneves do organismo provincial para garantir a seguridade dos usuarios da rede viaria.
Esta mañá os traballos continúan nas seguintes estradas: as LU-P-4501, LU-P-1303, LU-P-1304, LU-P-5601 no Concello do Courel; no Concello de Pedrafita a LU-P-1301 (unicamente no tramo que discorre por este Concello), LU-P-1304, LU-P-3701, LU-P-4501, LU-P-4502, LU-P-4504 e LU-P-4505. No Concello de Cervantes as LU-P-0702, LU-P-1401, LU-P-4504, LU-P-3505, LU-P-1405, LU-P-1404, LU-P-1412. Na Fonsagrada, LU-P-4606, LU-P-1901, LU-1903, LU-P-1906, LU-P-3601 e no Concello de Navia de Suarna as LU-P-3505 e LU-P-1901.
Este operativo forma parte do Plan Invernal 2012-2013 que puxo en marcha a Deputación de Lugo a primeiros de novembro e que permite actuar coa máxima axilidade en casos de temporais ou sucesos puntuais, para conservar e manter sempre en perfectas condicións a rede viaria provincial. Os traballos para garantir a circulación e a seguridade dos conductores, previsiblemente, continuarán nesta zona, xa que as previsións apuntan a que as precipitacións en forma de neve continuarán nos vindeiros días.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
