A responsable da Concellería de Emprego de Cervo, Yolanda Pedreira, asegurou que o grupo municipal socialista “non ten respecto pola veracidade e polos datos reais” en referencia as críticas realizadas ao obradoiro de emprego. Pedreira asegura que “aos socialistas todo lles vale para atacar ao goberno, incluso dar información errónea e mentir”.
A concelleira volveu aportar os datos que xa se fixeron públicos no seu día sobre o obradoiro de emprego de Cervo, Alfoz e O Valadouro, “visto que non se lembran ou non queren lembrarse”. Un datos que “nada teñen que ver cos que achegaron os socialistas”. Un obradoiro no que se están formando un total de 27 parados distribuídos en catro módulos, tres deles de xardinería e un de atención sociosanitaria. En canto ao equipo técnico, está composto en total por seis persoas, incluíndo o director e o administrativo, comúns para os tres concellos, así como os 4 monitores. No caso de Cervo, son 13 os desempregados que se forman e 2 monitores que os guían “e teñen que ser dous porque un deles é para o módulo de xardinería e outro para o de atención sociosanitaria”.
Pedreira quixo facer público o agradecemento do Concello de Cervo á Xunta de Galicia “pola súa boa disposición a poñer en marcha estas políticas activas de emprego que buscan achegar formación e experiencia laboral aos desempregados” e lembra que na etapa do Goberno bipartito na Xunta “os obradoiros de emprego brillaron pola súa ausencia”. Pedreira lamenta que os socialistas “non valoren este tipo de iniciativas que resultan moi proveitosas para os parados”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
