Máis de 20.000 sinaturas contra a incineración entran no Parlamento
4 de febreiro de 2013. Neste día, membros da comisión promotora da ILP”PARA A APLICACIÓN EFECTIVA DOS PRINCIPIOS DE REDUCION, REUTILIZACIÓN E RECICLAXE DE RESIDUOS EN GALIZA” fixemos entrega no Parlamento de máis de 20.000 sinaturas en apoio desta iniciativa. Trátase de darlle forza xurídica á xerarquía dos “3R” consagrada pola normativa actual, para que sexa realmente de obrigado cumprimento. É nesa liña que esta ILP establece unha serie de medidas para a aplicación efectiva destes principios, excluindo a incineración como opción principal para o tratamento dos residuos. Xunto ao que estamos a descobrir estes días do proceder de determinados partidos e institucións, resulta sintomático que sexa a cidadanía a que leve ao Parlamento unha lei para que a Xunta cumpra a lexislación sobre residuos europea, estatal e galega e antepoña, como establecen estas normas, a redución, a reciclaxe e a compostaxe á incineración/vertedura que fai SOGAMA. Dende a Comisión Promomotora desta ILP, queremos agradecer a todas as persoas e colectivos que participaron no proceso o seu compromiso co ambiente e coa legalidade.
Con esta ILP, os colectivos que integramos a Comisión Promotora queremos visibilizar a necesidade de poñer as bolsas de lixo enriba dos atrís dos políticos, porque entendemos que as políticas públicas de xestión dos residuos afectan ás nosas vidas de forma directa.
Para nós, o debate nunca foi a ubicación da incineradora, como pretendía o PP: Foi o modelo. Un modelo, a incineración, defendido con mentiras polo PP contra toda lóxica, eficiencia e mesmo contra toda a lexislación de residuos galega, estatal e europea. Un modelo, SOGAMA, que incinera a metade dos refugallos urbanos e os transforma en gases e cinsas tóxicas, enviando a outra metade ao vertedoiro de lixo máis grande de Europa, a verdadeira “caixa B” da política de residuos da Xunta. Un modelo contra o que a cidadanía xa se rebelou, tumbando a pretendida construción da incineradora do Irixo e promovendo esta Iniciativa Lexislativa Popular para levar ao Parlamento nada menos que o cumprimento estrito da lexislación de residuos, sistematicamente violada pola Xunta, e conquerir o abandono definitivo da incineración.
Dende a comisión promotora desta iniciativa e a Plataforma Galega contra a Incineración queremos agradecer á manchea de persoas e colectivos que participaron activamente na campaña de información e recollida de sinaturas o seu compromiso co ambiente e co cumprimento das leis.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
