Villares di que o inicio dos trámites para declarar a Fábrica de Sargadelos como Ben de Interese Cultural demostra a sensibilidade da Xunta con este complexo
Cervo, 13 de febreiro de 2013-O alcalde de Cervo, Alfonso Villares, manifestou a súa alegría ao coñecer que hoxe que a Xunta anuncia no Diario Oficial de Galicia o inicio do procedemento para declarar a Fábrica de Cerámica de Sargadelos como Ben de Interese Cultural (BIC), baixo o que se protexen todos os espazos directamente relacionados co Laboratorio de Formas, un proxecto vangardista impulsado nos anos 60 por Isaac Díaz Pardo, fillo adoptivo de Cervo, e Luís Seoane.
O rexedor asegura que “estes trámites demostran a sensibilidade e o interese da Xunta por preservar un complexo dun grande valor non só arquitectónico, senón tamén industrial, histórico, cultural e cunha forte compoñente identitaria”.
Villares considera que o obxectivo da Xunta de protexer este complexo baixo o réxime de BIC “garantirá a súa conservación e ao tempo a súa posta en valor e divulgación como un centro que revolucionou a arte e a industrial galega do século XX”.
Aínda así, o rexedor recoñece que a incoación “non foi unha sorpresa”, xa que a declaración da fábrica como BIC “era un compromiso da Dirección Xeral de Patrimonio Cultural que agora se ve materializado” e explica que “tan só coa publicación do inicio do procedemento no DOG a fábrica xa queda protexida”. Villares aproveitou para agradecer ao Goberno autonómico “que fixese posible a denominación de Ben de Interese Cultural para unha factoría que se cimentou na combinación da tradición e da modernidade”.
O mandatario cervense destaca que esta é tamén “unha moi boa noticia para Cervo, porque o pasado, o presente e o futuro deste concello estiveron ligados a Sargadelos dende a fundación das antigas fábricas por parte de Raimundo Ibáñez, hoxe en día Complexo Histórico-Artístico. A partir dese momento, a unión deste pobo coa cerámica de Sargadelos e coa fábrica foise forxando ata ser unha parte indivisible de nós”.
O rexedor manifesta que “dentro e fóra das paredes da fábrica atopamos a pegada de dous persoeiros que marcaron un antes e un despois no mundo da creación cerámica e da arte galega”, referíndose a Díaz Pardo e Seoane. Villares lembra que a figura e o traballo de Isaac Díaz Pardo fora recoñecido polo Concello de Cervo co nomeamento de fillo adoptivo no 2011, unha distinción que el mesmo recibiu en vida. “Tanto os veciños como todos os galegos temos moito que agradecerlle a este ilustre cervense de adopción que foi quen de concibir e deseñar a maior parte dos edificios que hoxe conforman a fábrica de Sargadelos entre outros moitos méritos” remata o primeiro edil.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
