Lugo, 13 de febreiro de 2013.- A delegada territorial, Raquel Arias, reuniuse na mañá de hoxe coa alcaldesa de Lourenzá, Emma Álvarez Chao, coa que avaliou distintas actuacións relacionadas co Executivo galego no municipio laurentino.
Así, durante a xuntanza, Arias anunciou á rexedora que a Consellería de Educación executará nos próximos meses obras de mellora de accesibilidade no colexio e Educación Infantil e Primaria (CEIP) Juan Rei da localidade.
Os traballos previstos suporán, entre outras melloras, a construción dunha rampla de acceso ao edificio do centro, mediante a cal se facilitará unha incorporación máis cómoda ás instalacións por parte de alumnado e profesorado con dificultades de mobilidade. O orzamento dos traballos previstos, que tamén suporán o peche de instalacións deportivas, ronda os 30.000 euros.
Estes traballos viran a sumarse ás actuacións no ámbito educativo que se levaron a cabo nos últimos catro anos en Lourenzá, onde dende o ano 2009 se investiron arredor de 50.000 euros para dotar ao centro dunha pista polideportiva, así como a realización de adaptacións na instalación eléctrica ou o acondicionamento da zona de ocio infantil.
Por outra banda, durante a reunión, a rexedora de Lourenzá transmitiu a inquedanza dos veciños do núcleo de San Lourenzo para o transporte de madeira nesa zona, situada no entorno do camiño a Santiago.
Igualmente, Raquel Arias e Emma Álvarez avaliaron os avances nos proxectos das obras que se realizan no municipio ao abeiro do Programa Estratéxico de Infraestruturas no Medio Rural (Peim), e que suporán a mellora de preto de 3 quilómetros de camiños e pistas.
A Consellería do Medio Rural e do Mar inviste 54.900 euros nestas actuacións, que están a piques de rematar e que afectan a pistas de Penelas, Acebo e Cazolga, a entrada á área do Pereiro e ao paseo do río Baos, a entrada de Moredo, a pista Vilanova-Casa Gallego e o ramal de Recemil, entre outros. Os traballos consisten en bacheos, mellora da capa de rodadura, reposición do firme, pavimentado ou limpeza de cunetas, segundo os casos.
A delegada territorial incidiu en que a cooperación entre administracións “resulta, nun momento como o actual, máis necesaria que nunca para optimizar investimentos na busca dos mellores resultados e abordar en común proxectos de futuro para o desenvolvemento da provincia de Lugo”.
Álvarez solicitoulle a Arias axuda do goberno autonómico para outros asuntos pendentes e novas necesidades do Concello
Pola súa banda, a alcaldesa laurentina, Emma Álvarez, explicou que se tratou dunha xuntanza coa delegada territorial da Xunta “para poñela ao corrente dos asuntos que están pendentes dende o noso Concello coa administración que ela representa, a Xunta de Galicia, así como presentarlle novas necesidades a fin de acadar a colaboración co Concello de Lourenzá”.
Así mesmo, apuntou que “foi unha grata satisfacción que me confirmará a inversión de 30.000 euros no colexio Juan Rei, entre outras cousas en facer a rampla de acceso, que está sendo demandada por parte da Anpa e que xa comentara o seu día o presidente da Xunta que lle parecía importantísimo levalo a cabo”, explicou a rexedora municipal.
Despois do encontro Emma Álvarez tamén comentou que trataron “outros temas de tódalas consellerías: de medio ambiente, inversións en infraestruturas, de servizos sociais, da accesibilidade do Concello e un tema que me ten bastante preocupada a día de hoxe como é o Camiño Norte ao seu paso polo núcleo de San Lourenzo, que está dificultando a retirada de madeira das fincas colindantes. Polo tanto é moi importante para o noso concello que se lle dea unha solución e puxen en coñecemento da delegada territorial o que xa fixera no seu día co anterior director xeral de Patrimonio a fin de poder acadar unha solución a este conflito á maior brevidade posible”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
