Barreiros, 22 de febreiro de 2013. O alcalde, Alfonso Fuente Parga, insiste en que a gardería municipal quedou no 2012 sen os 35.000 euros anuais que viña recibindo da Deputación Provincial de Lugo e considera que esta situación voltará a repetirse este ano. O rexedor sinala que na institución provincial case nunca priorizan para garderías e para servizos sociais, pero sí para festas e para saraos.
O alcalde barreirense amósase sorprendido “ao ler hoxe as declaracións do Bloque Nacionalista Galego, do señor Antonio Veiga e da señora Ana Ermida, porque a verdade é que non sei si é para rirse ou para chorar, da forma que se expresan. Din que non se retirou ningunha axuda á gardería municipal, simplemente que esta liña de axudas desapareceu. Pois que veña Deus e o vexa, que mo expliquen. Si esa liña desapareceu a gardería de Barreiros quedou sen 35.000 euros e non hai outra forma de chamarlle”.
Alfonso Fuente engade que “despois estes señores veñen dicir que o goberno do Estado…. miren, a min díganme o que queiran do goberno do Estado e da Xunta de Galicia. Os 35.000 euros para Barreiros non viñeron, irían por outro sitio. E esa é a realidade e non hai outra e senón que me digan a min onde están, como non sacaron esa liña de axudas, non se puido pedir esa axuda e a Deputación Provincial non nos deu os 35.000 euros. Esa é a realidade”.
O rexedor indicou que “e cando digo unha cousa, digo a outra: a Xunta de Galicia baixou 2.000 euros do que viña dando, pero a Deputación baixou 35.000. Polo tanto insisto en que o Bloque Nacionalista Galego non está facultado para falar de recortes no noso concello. Iso si é un recorte, é unha retirada dunha subvención, que vai asumir o Concello de Barreiros con cargo aos impostos de todos os veciños porque senón teríamos que pechar a gardería. E iso non vai pasar porque hai un alcalde consecuente, que considera que é un servizo que hai que prestar e vaino seguir prestando igual que os servizos sociais e igual que tivo que facerse cargo tamén da teleasistencia porque a Deputación de Lugo non se quería facer cargo”.
Fuente Parga insistiu en que “a realidade é que aquí no ano 2011 se recibiron 35.000 euros para a gardería e no ano 2012 non se recibiron e no 2013 me temo que tampouco porque, como temos que facer todos os alcaldes exercendo o goberno é priorizar os investimentos. Na Deputación tamén priorizan pero case nunca nin nas garderías nin nos servizos sociais, na maioría dos casos en festas e saraos, iso é no que priorizan. Alá eles, pero dicir que non se retirou a axuda, simplemente que desapareceu a liña de axudas é dicir o mesmo. É dicir, que non hai os cartos para Barreiros, esa é a realidade”.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
Solicítase á veciñanza que retire os vehículos estacionados nesta zona durante a mañá do martes, co fin de facilitar o desenvolvemento dos traballos. A Policía Local colocará esta tarde a sinalización informativa correspondente. Durante as actuacións poderán producirse cortes puntuais de circulación, procurando facilitar o acceso aos garaxes da zona. A duración dos traballos dependerá das condicións meteorolóxicas e da súa evolución. O Concello de Viveiro agradece a colaboración da veciñanza e desculpa as molestias que se poidan ocasionar.
A alcaldesa de Lourenzá, Rocío López, explica que foi “un encontro para compartir, aprender e lembrar a importancia da prevención, a detección precoz e a investigación. E, como símbolo de apoio, un lazo rosa ilumina a fachada da Casa do Concello e os donativos recollidos destinaranse integramente á AECC”.
Ribagorda visitou Ribadeo acompañado polo director xeral de Comercio, Gabriel Alén, nun percorrido polas principais rúas comerciais da vila, xunto ao xerente de ACISA, Jesús Pérez, e a concelleira de Comercio, Marta Saiz. Na Pontenova, o presidente da Asociación de Comerciantes, José Luis Balseiro, reuniuse tamén con Alén e Ribagorda. A campaña “De compras pola Mariña”, promovida pola FCAM e financiada por Comercio Galego e a Xunta de Galicia, difundirá varios vídeos nas redes sociais e na plataforma De las cosas del comer. Ribagorda percorreu estes días Foz, Lourenzá, Viveiro, Burela, Ribadeo e A Pontenova, achegándose ao comercio local e ao patrimonio natural e cultural da comarca.
O encontro principal terá lugar no comedor da carta o mércores 28 de outubro, ás 14:30 h. Ese mesmo día, ás 09:00 h, Jesús Manuel Blanco García, presidente da asociación micolóxica Os Bolouros, ofrecerá unha charla introdutoria para abrir a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
Tras unha parada nas Pontes para contemplar o lago e lembrar o pasado industrial da zona, o grupo visitou Pontedeume, onde repasou a historia da liñaxe dos Andrade e percorreu unha vila chea de patrimonio e vitalidade. Pola tarde, no mosteiro de Sobrado dos Monxes, os participantes apreciaron o legado da orde do Císter e do barroco galego, e escoitaron parte dunha mostra de música coral. A entidade agradeceu as explicacións de Enrique Campos, secretario da ACFL, así como as achegas de Celia Castro sobre arquitectura medieval e a vida cisterciense.
