O sábado 9 de febreiro, a partir das sete da tarde, no Museo Provincial do Mar de San Cibrao, Cervo, celébrase unha xornada sobre o Entroido que dará comezo cunha charla divulgativa denominada “Que celebramos no Entroido? Algúns Entroidos singulares da provincia de Lugo”, por Carme Pernas Bermúdez, bolseira de patrimonio inmaterial da área de Cultura e Turismo da Deputación de Lugo. Tamén se poderán ver as proxeccións de “As caras do Entroido”; ademais doutras proxeccións audiovisuais de vídeos e fotografías antigas e actuais dos Entroidos Ribeirao, Salcedao e da Terra Chá. Os vídeos foron realizados por Carme Pernas e Rosa Brañas e pola Asociación Cultural en Defensa do Patrimonio “LugoPatrimonio”. Pola súa banda, as fotografías pertencen aos arquivos J. M. Blanco Prado, IESCHA, B. Barreiro e área de Cultura e Turismo da Deputación. A proxección continúa durante os días do período de Entroido. Ademais, do 7 ao 17 de febreiro poderase ver parte da mostra “O Entroido en imaxes”, con fotografías de José Manuel Blanco Prado.
Xornada sobre o Entroido no Museo Provincial do Mar
Relacionado
-
A UNED de Lugo ofrece unha conferencia sobre o uso da voz na divulgación científica e no liderado profesional
-
Esta fin de semana a Bolera Municipal de Sumoas, Xove, acollerá unha cita deportiva de máximo nivel: o Campionato de España Feminino Iberdrola, nas modalidades individual e por parellas
-
A deputada de Cultura, Iria Castro, e o deputado de Rural, Mar e Mocidade, Daniel García, asistiron este luns en Mondoñedo á inauguración da rúa Andrea López Chao en homenaxe á mestra mindoniense, pioneira na loita polo dereito das mulleres á educación e á saúde na emigración galega en Cuba
"Zozobra" en palabras do propio autor, Maxi Rodríguez, é unha 'labazada de teatro que axita conciencias'. A cita é este domingo 21 de Setembro ás 20:00h. no Auditorio Municipal con entrada de balde
As delegacións municipais participan neste acto solemne que mantén viva a devoción pola patroa da cidade de Mondoñedo e reforza a unión entre os concellos da contorna. Mariña Gueimunde subliñou que «para Viveiro é unha honra participar nesta celebración tan arraigada que une ás nosas vilas a través da tradición e da cultura». Engadiu que «é fundamental preservar estas manifestacións colectivas que forman parte da nosa identidade e que fortalecen os lazos de fraternidade entre os pobos veciños».
O encargado de dar a saída foi o alcalde, Dani Vega, que estivo acompañado pola concelleira de Igualdade, Begoña Sanjurjo, e pola presidenta de Acisa, Carmen Cruzado. Por diante 21 quilómetros de percorrido por paraxes espectaculares ata chegar á meta na praia das Catedrais. A proba desenvolveuse nunha tarde soleada e moi calorosa.
O evento está organizado pola asociación de veciños da parroquia, co apoio do Goberno galego. Arias puxo en valor o traballo do colectivo organizador para "facer medrar este evento ano tras ano, consolidándoo en soamente tres anos como unha das citas destacadas no calendario festivo da comarca".
