A asociación de veciños O Burgo de Trasbar ven de facer públicas as actividades que desenvolverán entre os meses de marzo, abril e maioo deste ano.
Por unha banda, recordan ós veciños e veciñas que o cursiño de ximnasia de mantemento que se está a celebrar os xoves no local social de Trasbar incluído no Programa Tempos da Área de Benestar Social e Deporte da Deputación Provincial se vai prolongar ata finais do mes de maio.
Por outra banda, o domingo 31 de marzo, na explanada da festa, celebrarase a Pascua. Para participar é preciso apuntarse no local social ou poñéndose en contacto coa directiva a través do enderezo electrónico burgodetrasbar@yahoo.es. O prazo remata o 24 de marzo e o prezo da actividade é de 12 euros por socios e 15 para os que non o son.
Xa en abril, desenvolverase un taller de bonecas impartido por Anartis Manualidades. Será o domingo 7 a partir das cinco no local social de Trasbar. As persoas interesadas en poden apuntarse ata o día 5 de abril. O taller é gratuíto para as persoas que sexan socias desta asociación, mentres que os que non son socios deberán pagar 5 euros.
E o vindeiro 12 de abril poñen en marcha o ‘Plan Acción’ mediante o que saen a limpar o río na zona de Susil. Esta actividade realizarase en colaboración cos voluntarios de Alcoa, así como coa colaboración de todos os veciños e veciñas que se animen a botar unha man. A falta de concretar a hora, contan con reunirse arredor das tres e media da tarde no local social de Trasbar.
Xa para o mes de maio, e con motivo da celebración do Día das Letras Galegas, a asociación o Burgo de Trasbar organiza a representación dunha obra de teatro que está previsto que se desenvolva o vindeiro 19 de maio.
Así mesmo, o 21 de maio a Garda Civil impartirá en Trasbar unha xornada de seguridade.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
