“O 30% dos españois compra por Internet, e o número non deixa de medrar, igual que a facturación, que alcanza en Galicia os 700 millóns de euros ó ano. As nosas empresas teñen que aproveitar este gran potencial”, subliña o director de Novas Tecnoloxías, Pablo Rivera.
O ciclo Técnicas de comercialización dos produtos das Reservas da Biosfera, aberto a calquera persoa que desexe participar, terá lugar entre os días 19 e 22 de marzo, de 16:00 a 20:00 horas, no Centro de Innovación Social In Lugo.
Os interesados en asistir ás xornadas, totalmente gratuítas, poden inscribirse xa entrando en www.deputacionlugo.org cubrindo un formulario e enviándoo dende a propia web. As 25 prazas dispoñibles cubriranse por rigorosa orde de inscrición.
A Deputación de Lugo organiza para entre os días 19 e 22 deste mes unhas xornadas formativas co obxectivo de impulsar o comercio on line dos produtos autóctonos das Reservas da Biosfera Terras do Miño e Os Ancares como oportunidade económica destes territorios, que comprenden 29 Concellos lucenses. O ciclo Técnicas de Comercialización dos produtos das Reservas da Biosfera, totalmente gratuíto e aberto a calquera persoa que desexe participar, desenvolverase entre as 16:00 e as 20:00 horas. Os interesados en asistir poden inscribirse xa. Para elo, deben entrar en www.deputacionlugo.org cubrir un formulario e envialo dende a propia web. As 25 prazas dispoñibles cubriranse por rigorosa orde de inscrición. As persoas interesadas en obter máis información poden chamar ó número de teléfono 982-22-51-86.
O director dos departamentos provinciais de Novas Tecnoloxías e Fondos Europeos, Pablo Rivera, subliña que as empresas da provincia “teñen que aproveitar o gran potencial do comercio electrónico. Segundo o Observatorio Nacional das Telecomunicacións e da Sociedade da Información, do Ministerio de Industria, o 30% da poboación española compra hoxe por Internet -13 millóns de persoas-, e o número non deixa de medrar, igual que a facturación, que alcanzou en Galicia en 2011, o último ano do que hai datos, 700 millóns de euros, un 25% máis que en 2010”. Entrar no e-comercio, explica Rivera, “implica beneficios cuantitativos para a empresa, pola captación de novos clientes e a expansión xeográfica do mercado, pero tamén cualitativos, pois permite prestar servizos personalizados ó cliente e mellorar a calidade do servizo”.
O director de Novas Tecnoloxías destaca que na provincia de Lugo “hai bos exemplos dos beneficios que pode reportar a venda on line, como pode ser o caso de Bicicletas Guillermo de Monforte, que fai o 70% das súas vendas por internet, ou www.comermarisco.com de Burela, que nada máis introducirse no e-comercio logrou que o 10% das súas vendas fosen on line, e prevé aumentalas nun 25%”.
A aposta da Deputación polo comercio electrónico para fortalecer o tecido empresarial da provincia e xerar emprego ten como buque insignia a plataforma www.losproductosdelugo.com que conta hoxe cunha oferta de 100 empresas e uns 800 produtos e servizos, e que recentemente incorporou a liña de venda de produtos en frío. Entre as firmas adheridas na actualidade, encóntranse preto de 60 radicadas nos 29 Concellos que forman parte das Reservas Terras do Miño e Os Ancares, entre elas, queixerías, firmas de embutidos, mel, conservas e establecementos hostaleiros.
Outros recursos que aproveitar
O comercio electrónico non será, en calquera caso, o único eixo das xornadas sobre as Reservas da Biosfera que organizou a Deputación, pois o propósito da convocatoria é poñer en valor os recursos e potenciais de desenvolvemento socioeconómico cos que contan estes territorios. Deste xeito, ofreceranse coñecementos co fin de formar a monitores que actúen de dinamizadores da actividade social, cultural, turística e económica nos territorios das Reservas. Así, ademais das técnicas de comercialización dos produtos das Reservas, nas xornadas abordaranse cuestións como as características destes espazos, a súa historia, e a súa riqueza natural, etnográfica e cultural.
Os 26 Concellos que forman parte da Reserva Terras do Miño son: Ourol, O Valadouro, Muras, Alfoz, Mondoñedo, Abadín, Xermade, Vilalba, A Pastoriza, Riotorto, Guitiriz, Cospeito, Meira, Begonte, Rábade, Castro de Rei, Outeiro de Rei, Pol, Lugo, Friol, Castroverde, Guntín, O Corgo, Baralla, O Páramo e Láncara. Os da Reserva dos Ancares son tres: Navia de Suarna, Cervantes e Becerreá.
O colofón
Estas xornadas son o colofón das actividades que se viñeron desenvolvendo durante o último ano co obxectivo de impulsar o desenvolvemento socioeconómico das Reservas Terras do Miño e Os Ancares no marco dun convenio asinado entre a Deputación de Lugo e o Ministerio de Agricultura, Alimentación y Medio Ambiente. Entre as actuacións levadas a cabo, destacan, entre outras, a sinalización do territorio das Reservas; un programa de bolsas de emprego a través do que o organismo provincial formou a 24 persoas como guías medioambientais especializados en Terras do Miño e Os Ancares; exposicións, un concurso de fotografías e diversas xornadas formativas para todo tipo de público.
Máis accións estratéxicas
Xunto a esta serie de accións, a Deputación de Lugo ten en marcha na actualidade outros tres proxectos estratéxicos co obxectivo de impulsar o desenvolvemento sostible das Reservas e garantir a continuidade das declaracións da UNESCO ante a revisión que este organismo internacional fará neste ano 2013. Trátase das seguintes iniciativas:
– O organismo provincial, en colaboración cos colectivos sociais e profesionais que forman parte dos órganos de xestión das Reservas, está a elaborar o denominado Plan de Acción, un instrumento que marcará as liñas estratéxicas de conservación e desenvolvemento destes espazos nos próximos 10 anos.
– Está catalogando, en colaboración coa Universidade de Santiago, o territorio das Reservas en función das súas características ambientais.
– E adxudicou recentemente os traballos para a creación de portais web didácticos para difundir a riqueza natural, cultural e etnográfica de Terras do Miño e Os Ancares entre todo tipo de público: nenos, maiores, profesores, estudantes, científicos ou particulares.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
