Nunha sesión do Pleno Municipal de Viveiro, de data 31 de marzo de 2000, a proposta do Señor Alcalde naquel momento, e tan só cos votos a favor do Grupo Municipal do Partido Popular, grupo que naquel momento contaba con maioría absoluta, foi nomeado, D. Rodrigo Rato y Figaredo como FILLO ADOPTIVO DE VIVEIRO. Semellante distinción foille entregada no Salón de Plenos do Consistorio con data 6 de decembro de 2000. O Portavoz Municipal do Bloque Nacionalista Galego, argumentaba no pleno da proposta, tal e como consta na acta, o seguinte: “Ademais de considerar que non é o mesmo un outorgamento desta clase ó final da vida dunha persoa, que no caso do proposto, que aínda non se sabe como vai transcorri-la súa actuación no que resta da súa existencia” para expresar o seu rexeitamento a este nomeamento.
O transcorrer vital de Rodrigo Rato y Figaredo, está completamente afastado de Viveiro, xa non acude a Viveiro en época estival dende fai anos e incluso desapareceron os seus vínculos afectivos e familiares cara a nosa Cidade. Non cumpre polo tanto un dos requisitos básicos para unha distinción tan importante na nosa Cidade, que é o de promocionar, divulgar e defender os intereses de Viveiro. Rodrigo Rato y Figaredo non é polo tanto “un nuevo embajador, cuyo prestigio es ampliamente reconocido” como afirmou o Alcalde de Viveiro no momento da entrega do Título.
O Grupo Municipal do Bloque Nacionalista Galego, considera, que Rodrigo Rato y Figaredo, non merece ser Fillo Adoptivo de Viveiro, ademais, pola súa xestión ao fronte do Fondo Monetario Internacional, e ultimamente á fronte de Bankia, onde ademais de levar á entidade a quebra, o que provocou que houbese que destinar á entidade máis de 50.000 millóns de euros de diñeiro público, foron miles de persoas as estafadas polas participacións preferentes, persoas ás que se lles roubaron os seus aforros. A maiores, como máximo responsable da entidade, tolerou que o groso do equipo directivo saíse desta con indemnizacións millonarias que chocan con miles de traballadores de Bankia e que remataron no paro. Estes motivos fan que sexa un dos rostros do engano a miles de persoas, do desastre económico do Estado Español, e da profunda crise e recesión económica que estamos a sufrir a nivel internacional.
Señores coma Rato, son os culpables con nomes e apelidos, da crise económica, da posta en valor dos grandes capitais financeiros transnacionais, fronte ás persoas.
Ante o engano xeral a milleiros de persoas, as políticas económicas dirixidas cara os grandes capitais e non cara as maiorías sociais, a desvinculación con Viveiro, provocan que Rodrigo Rato y Figaredo, non sexa para nós, exemplo para ser “embaixador” e e polo tanto Fillo Adoptivo de Viveiro.
Polo tanto, o BNG de Viveiro instamos ao Pleno da Corporación Municipal de Viveiro, a adoptar o acordo de retirar a Rodrigo Rato y Figaredo o Título de Fillo Adoptivo de Viveiro.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
