Desde a Plataforma de Afectados polos Abusos de Mercado Eléctrico presentaranse mañá no rexistro de entrada da Xunta de Galicia novas solicitudes de documentación dos equipos de medida dixitais que se están instalando por parte de BEGASA. Con estas novas solicitudes xa son máis de 70 solicitudes de documentación as que se presentan na Delegación Territorial de Industria de Lugo. Moitas delas, xa foron presentadas pola propia distribuidora no mes de novembro de 2012 e ningunha delas recibiu resposta por parte de BEGASA.
“Como BEGASA non contesta, agora presentámolas na Consellería de Industria da Xunta de Galicia como paso previo a solicitalas posteriormente á Comisión Nacional de Enerxía, en caso de que non sexa aportada dita documentación por Industria, que debe ter a Xunta; xa que é a responsable de darlle a BEGASA a autorización de uso de ditos equipos de medida”.
“A día de hoxe non se sabe nada desta documentación obrigatoria e a única aclaración que saíu de BEGASA ou de Eon Distribución é que estes equipos de medida están aprobados no sistema de telexestión que presentaron no seu día á Xunta de Galicia. Esa aprobación non lle exime a BEGASA de que os seus equipos cumpran cos requisitos establecidos no R.D. 1110/2007 ou na orden ITC/3022/2007. Dáse a particularidade que o sistema de telexestión presentado por BEGASA e aprobado pola Xunta de Galicia é considerado como confidencial e ninguén ten acceso a el; é dicir a suposta aprobación destes equipos é segreda e o abonado non ten acceso a ela. Facendo un símil é como se mercas un coche e che dan un manual de uso do mesmo, pero che din que non teñen obrigación de darcha a tarxeta de circulación nin o resto da documentación”.
“Desde a plataforma recordamos que o abonado é o responsable de que estes equipos cumpran coa normativa vixente, xa sexa o equipo en propiedade ou en alugueiro, e pono de forma moi clara no artigo 12 do Real Decreto 1110/2007. Pese a iso, cando solicitas a documentación a BEGASA, esta contesta que non ten obrigación de dala”.
“Esperamos por parte da Consellería de Industria a máxima colaboración, ademais dunha forma rápida e clara, como é a súa obriga. Se por algún motivo se cometeu un error e dita documentación non está en regra parécenos absurdo dilatar no tempo a solución e obrigar ós abonados a recorrer á Comisión Nacional de Enerxía ou ós tribunais xurisdiccionais. Por parte da Plataforma estaríamos encantados de estar equivocados e ter que pedir desculpas por iso, pero sabemos que temos razón.”
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
