O CONCELLO CREARÁ UNHA COMISIÓN FORMADA POR REPRESENTANTES DOS GRUPOS POLÍTICOS MUNICIPAIS E DE TODAS AS ASOCIACIÓNS DO MUNICIPIO PARA ELABORAR AS PROPOSTAS DE ESCUDO E BANDEIRA.
Lourenzá, 2 de marzo de 2013. Todos os grupos políticos da corporación de Lourenzá acordaron crear unha comisión que estará formada por representantes municipais e das asociacións para elaborar as proposta de escudo e de bandeira do concello. Así se decidiu na xuntanza celebrada na tarde noite de onte coa participación da alcaldesa, a popular Emma Álvarez Chao; a portavoz do PP, Lupe Flórez Seivane; a voceira do PSOE, Rocío López García; o concelleiro do BNG, César Docampo Fernández; e a técnica municipal de Cultura, María José López Noceda
A alcaldesa aclarou que tal e como está o escudo do Concello de Lourenzá actualmente “non tería esa condición, estariamos a falar dun logotipo, xa que non cumpre o que establece o artigo 3º do decreto 19/2010 de ser aprobado polo Consello da Xunta”.
Emma Álvarez explicou que todos os participantes na xuntanza de onte coincidiron en que “o escudo de Lourenzá ten que ter representada unha ponte dun só ollo, posto que prescindir dela sería perder a entidade de séculos, xa que hai documentos que avalan a existencia deste símbolo, aínda que debuxado de distintas formas, dende o ano 1855”. Tamén estiveron todos de acordo “coa proposta de crear unha comisión onde estean representadas, ademais das forzas políticas, todas as asociacións do concello para participar nas propostas previas á elaboración do escudo e a bandeira que representen a Lourenzá”.
A rexedora municipal anunciou que “nos vindeiros días pediremos ás asociacións do concello que deleguen nun representante a fin de poder sacar adiante este proxecto co maior consenso posible da sociedade”.
Outro acordo acadado na reunión foi “iniciar os trámites para o procedemento de aprobación do escudo, xa que nos parece importante dispoñer dun símbolo heráldico que nos represente. Para iniciar este procedemento pode facerse, segundo o artigo 16 do decreto antes mencionado, de dúas maneiras: ben solicitando á Comisión de Heráldica da Xunta a elaboración das propostas e memorias para logo ser aprobados en pleno municipal ou facer o estudo e a proposta dende o Concello. No noso caso, seguimos o camiño xa iniciado de forma oficiosa e solicitaremos que sexa a Comisión de Heráldica a que traballe os distintos bosquexos susceptibles dunha posterior aprobación, xa que deste feito, o Concello non tería que sufragar ningún custo, pois os estudos correrían a cargo da administración autonómica”, explicou a alcaldesa, que rematou comentando: “agardamos poder recoller no escudo que nos represente algún símbolo único do noso concello; por iso insistimos na ponte de un só ollo que representa á Ponte da Pedra”.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
