Os populares amosan a súa perplexidade logo de que a Xunta de Persoal do centro se pronuncie contraria a ampliar o hospital ou a mellorar os seus servizos.
A Mariña, 12 de marzo de 2013.- O Partido Popular da Mariña saíu ao paso das críticas efectuadas pola Xunta de Persoal do Hospital da Costa en relación coa oportunidade que lle brinda a xestión integrada para ofertar en Burela o servizo de tratamentos de quimioterapia para enfermos de cancro, sen necesidade de ter que desprazarse ata Lugo.
Os populares sosteñen que o hospital da Costa dispón dunha capacidade resolutiva e dunha capacitación dos seus profesionais que aínda se verá ampliada e polo tanto que
que permitirá asumir esta prestación con total garantía de calidade e seguridade, sempre co seguemento que é preceptivo por parte do Servizo de Oncoloxía Médica. Desde o PP dixeron que incluso agora mesmo xa está a tratar a estes pacientes no hospital, pero a novidade radica en que agora os doentes non terán que desprazarse fóra (ata Lugo) para recibir o tratamento médico.
ASÍ ACONTECEU EN VERÍN E VALDEORRAS
Desde o PP sosteñen que efectivamente, a posta en marcha de tratamentos quimioterápicos esixe de espazo –a resolver no momento en que se amplíe o centro-, de formación e de capacitación, e esixe dunha selección de pacientes axeitada; que son os mesmos requerimentos cos que se puxo en práctica esta prestación nos hospitais de Valdeorras e de Verín, logo da aplicación da xestión integrada, centros nos que xa se está a dispensar este tipo de atención sen necesidade de que moitos pacientes teñan que desprazarse ata as súas respectivas capitais.
A XUNTA DE PERSOAL EN CONTRA DAS MELLORAS
Finalmente desde o PP amosaron a súa perplexidade logo de comprobar como unha Xunta de Persoal dun hospital pode amosarse en contra da ampliación do centro e da mellora dos seus servizos. “Debe ser un caso único en España que o Goberno esté anunciando melloras e os que din representar aos traballadores critiquen este feito, salvo claro está que defendan criterios distintos aos que deberían”.
Desde o PP insisten en que seguirán traballando por facer realidade a inminente licitación do proxecto de ampliación do Hospital e a súa posterior execución e manteñen que mentres o Goberno da Xunta estea en mans do Partido Popular garanten e blindarán a continuidade de todos os seus servizos, unidades e consultas do Hospital da Costa e incluso os incrementará na medida das súas posibilidades, algo totalmente contrario ao discurso do medo que manteñen desde os partidos da oposición e organizacións afíns.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
