Os deputados socialistas de Lugo trasladarán a “preocupación cidadá” por un modelo de área sanitaria integrada “que está a desintegrar os hospitais comarcais” e que vai “camiño do modelo sanitario de privatización de Madrid”.
“É esa a maneira que ten a Xunta de potenciar a Galicia interior?”, pregúntanse, e lembran que “a palabra do señor Feijóo empeza a ter o mesmo valor que as accións de Bankia, e iso na forte crise que vivimos pode ser demoledor”.
Os deputados do PSdeG-PSOE da provincia de Lugo Concepción Burgo, Carlos González Santín, Vicente Docasar e José Ramón Val, presentaron unha pregunta oral polo trámite de urxencia que será debatida no Pleno do Parlamento este mércores ante “a preocupación e incerteza existente nos cidadáns polo futuro da área integrada en Lugo”, unha xestión única que afecta ás áreas de Burela e Monforte. González Santín exporá a iniciativa para que sexa explicado “o engano levado a cabo polo señor Feijóo, tendo en conta a palabra dada polo presidente da Xunta”, que se comprometeu en campaña ante os cidadáns a non levar a cabo a área sanitaria única na provincia.
“De novo temos a poboación dunha provincia conmocionada ante unha decisión que vai adoptar o Goberno galego”, di o socialista, nun cambio que “suporá que os hospitais comarcais de Monforte e Burela, que hoxe son autónomos, pasarán a depender do Hospital de Lugo, e que a Xerencia na capital decidirá sobre as necesidades sanitarias desas dúas grandes comarcas que atenden a preto de 120.000 persoas”, explica González Santín. O deputado lembra que xa se coñecen os resultados que está a dar o modelo de área integrada noutras zonas, de aí a “preocupación” de que se extenda tamén en Lugo, que con esta decisión “vai camiño do modelo sanitario de privatización de Madrid”.
“Están creando unhas áreas integradas que non cumpren precisamente con esa función integradora anunciada. A Atención Primaria e a Atención Hospitalaria seguen sen unificar e conectar pero, sen embargo, si están desintegrando os hospitais comarcais. Agora xa é unha evidencia que as áreas integradas creadas están funcionando mal e están a provocar o desmantelamento dos hospitais máis pequenos, mentres a Atención Primaria continúa descolgada”, argumenta. Ademais, esta medida está provocando “un profundo rexeitamento social” entre a cidadanía, porque a área única “suporá para a xente que reside nas comarcas da Mariña e Lemos a perda de servizos e largos e custosos desprazamentos para recibir unha atención sanitaria de calidade”, engade.
O socialista destaca así mesmo que na profunda crise actual tampouco se pode desprezar “a grande importancia económica que os hospitais de Monforte e Burela teñen nas súas respectivas áreas de influencia”, nas que “xa se están a desmantelar as poucas empresas e servizos” existentes. “É esa a maneira que ten a Xunta de potenciar a Galicia do interior?”, pregúntanse os socialistas, que afirman que “se pode dicir, xa con contundencia, que a palabra do Sr. Feijóo empeza a ter o mesmo valor que as accións de Bankia, e iso, neste tempo de forte crise económica que estamos a vivir, pode ser demoledor”.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
