O rexedor de Ribadeo avanzou tamén que no mes de abril se comezará a actuar na costa.
Ribadeo, 11 de marzo de 2013. O alcalde, Fernando Suárez, destaca o traballo realizado pola brigada de obras da Deputación de Lugo ao longo das últimas semanas nos camiños das parroquias do interior. O rexedor asegura que o próximo mes comezarase a actuar nas da costa.
Suárez Barcia subliñou “o traballo e esforzo feito pola Deputación Provincial de Lugo, concretamente pola brigada de asfaltados, polo seu parque móbil, que estivo aquí en Ribadeo varias semanas, sobre todo nas parroquias do interior, onde lles demos unha boa volta a moitos camiños que se atopaban deteriorados. E xunto coa brigada de persoal municipal xuntámola coa da Deputación para que entre os dous colectivos puidéramos render máis, ir a máis camiños e facer máis actuacións ao longo destas últimas semanas”. E engadiu que “agora que se marchan hoxe, quérolles dicir aos veciños e veciñas das parroquias da costa que quedaron sen actuar neste plan conxunto coa Deputación que a partires deste mes, a través doutros plans, con fondos municipais propios ou do plan de obras e servizos que temos coa institución provincial, actuaremos nas parroquias da costa onde tamén hai camiños estragados e os que lles fai boa falta”.
O alcalde sinalou que “tamén a partires de hoxe no que ten que ver coa subida a Noceda, cunha actuación que fixo a Xunta hai unhas semanas, continuarán as obras de amañar os laterais con zahorra para evitar perigosidade aos vehículos e ás motocicletas polo chanzo tan grande que está a haber”.
O rexedor ribadense considera que “é agora cando chega a primavera cando se deben facer estas obras nos camiños, aínda que en xaneiro fixemos algún rebacheo pequeno, o tempo era malo e a calidade dos traballos non queda como debería. É agora, a partires desta data, cando temos que intensificar todo o traballo nos camiños para que esta longa rede municipal que temos estea nun estado de revista aceptable”.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
