Coidar e manter limpo o entorno natural é o propósito do grupo de voluntarios de Alcoa San Cibrao que mañá, 12 de abril, limpan as marxes do río Cobo ó seu paso por Trasbar, no municipio de Cervo. A Asociación de Veciños do Burgo de Trasbar, que colabora na actividade, recibirá 3.000 dólares da Fundación Alcoa como respaldo a esta iniciativa dos empregados da fábrica.
Os voluntarios limparán as marxes do río, desbrozando de maleza e retirando pólas mortas e obxectos alleos ao ambiente natural da ribeira do Cobo, arroxados por transeúntes ou arrastrados polas augas durante as crecidas do río como consecuencia das choivas. Unha vez completada a recollida e depositados os materiais de desfeito en colectores especiais, os servizos municipais trasladaranos ao vertedoiro municipal. O Concello de Cervo colabora nesta actividade poñendo a disposición dos voluntarios e veciños participantes os materiais necesarios, o transporte e posterior tratamento de todos os residuos que se recollan.
Estes traballos de mellora do cauce reducen o risco de desbordamentos e asolagamentos en casos de incremento do caudal, á vez que se dota de luz a zonas sombrías do cauce do río, o que favorece o hábitat de especies animais e vexetais do medio fluvial.
A conservación da riqueza natural do entorno é o obxectivo desta iniciativa dos voluntarios de Alcoa, que desde fai anos dedican xornadas do seu tempo libre a limpar espazos naturais e ríos da Mariña, como o Ouro, o Xunco e o Cobo.
Así mesmo, a Asociación de Veciños do Burgo de Trasbar desenvolve actividades en beneficio dos residentes na zona, actividades deportivas, culturais e relacionadas co medio rural e medioambiental.
A misión da Fundación Alcoa é mellorar e fortalecer as oportunidades en educación, medio ambiente e mellora das condicións de vida dos habitantes das comunidades nas que a compañía está presente. Alcoa promove e apoia o voluntariado solidario e a acción social na comunidade dos seus empregados, para o que conta con programas específicos, os plans Acción e Bravo.
A Deputada de Muller e Igualdade, Marisol Morandeira, participou este sábado na inauguración, onde destacou o valor desta iniciativa que leva “máis de vinte anos unindo ás persoas arredor do coñecemento, da experiencia compartida e do orgullo polo rural”.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
Nesta edición, a programación céntrase na Idade Moderna en Galicia, combinando sesións teóricas no Real Seminario Conciliar de Santa Catalina con visitas guiadas por Mondoñedo e a súa comarca. O Concello destaca a excelente acollida desta iniciativa e anima a seguir promovendo actividades culturais deste nivel, posibles grazas ao compromiso da USC e ao apoio da Xunta de Galicia.
10:00 h: Apertura do mercado e Andaina histórica por Vilaronte con Moncho Ermida (dificultade baixa). 11:00–14:00 h: Experiencia a cabalo para nen@s (de balde). 12:00 h: Actuación da Charanga Os Sureños. 14:00 h: Sesión vermú con Super Glu. 16:30 h: Contacontos “Contamos contos de lobos” – Ghazafelhos. 18:00 h: Concerto de Tapa D’Orella. Durante a mañá haberá demostración de coiro. Pulpería Suso servirá churrasco, polbo e xamón. Organiza: O Atrio Colaboran: Concello de Foz, Xunta de Galicia, Área de Cultura da Deputación, Centro AD e Fiore Tondo.
Categoría Infantil: 1º premio, Celia Blanco. 2º, Mara Blanco. 3º, Nuno Villares. Categoría Primaria: 1º premio, Laia Rodríguez. 2º, Paula Martínez. 3º, Jesús López e Samuel Riera (empate). Categoría Adultos: 1º premio, Unha receita para a felicidade, de Sonia Corral. 2º, O merodeador da néboa, de Manuel Fernández. 3º, Ou lobo ou o can, de Xolo. O Concello felicita a todas as persoas premiadas e agradece a participación de todas e todos os que fixeron deste certame unha auténtica celebración da lectura e da creación literaria.
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
