Burela, 5 de abril de 2013. A Delegación de Medio Ambiente está a colaborar coa Consellería de Medio Ambiente da Xunta de Galicia e Sogama na campaña Ponte as pilas polo medio ambiente, que ten como finalidade incentivar a participación cidadá na segregación de residuos de pilas.
A concelleira Patricia López Eijo anunciou que “nos vindeiros días procederase a distribución de mini colectores ecolóxicos cos que facilitaremos a recollida fraccionada de pilas. O obxectivo é que estes refugallos sexan xestionados conforme á normativa vixente, minimizando o seu impacto sobre o medio ambiente e a saúde pública”.
A concelleira de Medio Ambiente sinalou que “os veciños de Burela poderán depositar as pilas usadas nas seguintes ubicacións: na Casa do Concello, na Casa da Xuventude, no Centro de Formación Ocupacional, na Biblioteca, na Oficina de Medio Ambiente, nas dependencias de Protección Civil, no Centro de Drogodependencias, na oficina de Espina e Delfín, nos centros educativos, e tamén nos seguintes supermercados: Claudio Dayampry, Gadis, Maxi Día, Please Plass”.
E engadiu que “asemade durante a tempada de baños os colectores para o depósito de pilas estarán dispoñibles nas casetas de socorristas das praias de A Marosa e Portelo e na Oficina de Turismo da zona portuaria”. López Eijo lembrou que “tamén se pode facer uso do punto limpo municipal para o depósito de pilas”.
Convén lembrar que as pilas están compostas por diferentes metais pesados e deben de ser consideradas como materiais perigosos. Polo tanto, trátase dun residuo que precisa dun tratamento concreto, debendo evitarse que poida ser mesturado con outros refugallos e garantir desde xeito unha xestión independente. Unha soa pila de botón, fabricada con óxido de mercurio, pode chegar a contaminar ata 600.000 litros de auga, unha cantidade superior á que bebe unha familia de catro persoas durante toda a súa vida”.
Durante a súa intervención, Xosé Merelles destacou a capacidade da romaría para conservar viva unha tradición transmitida de xeración en xeración e profundamente vinculada á identidade da comarca. Xosé Merelles puxo en valor o papel da Romaría do Bispo Santo como exemplo do turismo cultural e espiritual que promove Galicia, baseado na autenticidade, na conservación das tradicións e no patrimonio inmaterial.
O encontro incluíu sesión vermú amenizada polo Dúo The Poker e unha comida popular con empanada, embutido, croquetas, xamón cocido, tenreira asada e sobremesa. Pola tarde continuou a música e realizáronse sorteos de agasallos achegados polas asociacións colaboradoras. A iniciativa foi organizada pola Asociación O Castelo, en colaboración coas asociacións parroquiais e o Concello de Alfoz, que agradeceron a ampla participación. Durante a xornada tamén houbo un momento de lembranza para Jorge Val, exalcalde falecido hai un ano, destacando o apoio que brindou ás asociacións locais.
Unha actividade organizada pola Asociación Cultural pensada para promocionar os produtos de proximidade e da artesáns, nun ambiente lúdico e festivo. Produtos de horta, conservas, mel, requeixo, plantas ornamentais ou bisuteria son algúns dos produtos que se podían encontrar no mercado, que contou tamén con outras actividades como bautismos hípicos. A Vicepresidencia da Deputación colaborou un ano máis na programación do mercado cun obradoiro de coiro e animación musical.
A Deputada de Muller e Igualdade, Marisol Morandeira, participou este sábado na inauguración, onde destacou o valor desta iniciativa que leva “máis de vinte anos unindo ás persoas arredor do coñecemento, da experiencia compartida e do orgullo polo rural”.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
Nesta edición, a programación céntrase na Idade Moderna en Galicia, combinando sesións teóricas no Real Seminario Conciliar de Santa Catalina con visitas guiadas por Mondoñedo e a súa comarca. O Concello destaca a excelente acollida desta iniciativa e anima a seguir promovendo actividades culturais deste nivel, posibles grazas ao compromiso da USC e ao apoio da Xunta de Galicia.
