Ribadeo, 5 de abril de 2013. Música, teatro, andainas, audicións e a inauguración dunha sala de lectura infantil son algunhas das propostas da Concellaría de Cultura para o segundo trimestre do ano. A programación para estes meses foi presentada esta mañá pola concelleira Mariluz Álvarez Lastra.
A edil nacionalista subliñou que “Músicas Posíbeis vai ser o máis potente, o que vai enmarcar a nosa programación cultural neste trimestre, pero tamén contaremos con actividade de teatro profesional. Concretamente imos comezar con Rafael Álvarez El Brujo, coa obra Cómicos; contaremos tamén coa presenza da compañía Áncora, que vai poñer en escena a obra Snakizados; e tamén a compañía Il Maquinario Teatro, que vai ser a primeira vez que estará en Ribadeo e vai poñer en escena O home almofada”.
Para Álvarez Lastra “o teatro é algo que xa está moi consolidado en Ribadeo e ademais das representacións profesionais seguiremos contando neste trimestre coa posta en escena da compañía de teatro afeccionado de Ribadeo, dirixida por Toni Deaño, que vai facer unha actuación en beneficio da asociación para a loita contra o cancro o 14 de abril. Será coa obra que xa teñen estreada, Lisístrata, que tamén representarán en Rinlo neste mes de abril e en xuño participarán na mostra de teatro afeccionado de Mondoñedo”.
A concelleira de Cultura sinalou que “toda esta programación cultural para este trimestre complétase coa actividade que fai a Coral Polifónica de Ribadeo, a nosa Escola de Música e a Banda Sinfónica Municipal. Concretamente a Banda neste trimestre fai facer o concerto das Letras Galegas, como ven sendo habitual ao longo dos últimos tempos, e a Polifónica vai ter un encontro cunha coral de Vitoria e farán unha actividade conxunta no mes de xuño. Tamén se inician as audicións na Escola Municipal de Música, que van ter lugar en dúas semanas: unha na vindeira semana e outra no mes de maio, nas que todas as disciplinas musicais e todos os instrumentos van facer as súas actividades puntuais dedicadas cada tarde a un deles, dirixidas polo profesorado da escola”.
Mariluz Álvarez dixo que “neste trimestre ten un peso especial a actividade para o público familiar, unha aposta forte que o goberno municipal e a área de Cultura centra moito na actividade para os máis pequenos, para os mozos e sobre todo intentando tirar tamén polas familias. É algo que está moi consolidado e a actividade deste trimestre vai estar centrada en torno á Semana do Libro. Imos facer actividades cos centros de ensino de Primaria do noso concello, unha obra de títeres a cargo do grupo Fanfarra de Soños, que actuará en Ribadeo grazas á colaboración da Xunta. A compañía Trinke Trinke vai facer actividades de animación na biblioteca municipal. E imos ter tamén a inauguración dunha sala de lectura infantil para que os máis pequenos da casa, sobre todo no tramo de 0 a 6 anos, poidan ir alí cos seus pais, coas súas familias e poidan ler contos. Non é unha sala dunhas dimensións moi grandes, pero imos acondicionala e estreala na roldando o 24 de abril, que é a Semana do Libro”.
E engadiu que “como actuación estelar imos traer ao Cine Teatro Ribadeo A nena e o grilo, un conto musicado con un CD de calidade excepcional; é teatro musicado que ten a súa orixe nun libro disco que gravou o músico Magín Blanco acompañado de artistas como Uxía Senlle, Ugia Pedreira, Xabier Díaz ou Guadi Galego. Conta tamén no escenario con Xoán Curiel e con Charo Pita. Vai ser o prato forte das actividades para os máis pequenos e vai ter lugar o 21 deste mes no Cine Teatro ás cinco da tarde”.
A programación cultural deste trimestre comeza este sábado “cunha andaina, que non é propia da Concellería de Cultura senón que é unha colaboración coa asociación cultural Francisco Lanza, que fai as súas andainas e neste caso puxémonos en contacto con eles e con Emilio Piñeiroa, que é un profesor do instituto de Ribadeo que traballa cos seus alumnos a historia. Esta andaina vai ser de 15 quilómetros, comezará en Remourelle e rematará nas Anzas e vanse visitar os vestixios prehistóricos que temos no noso concello, concretamente farase unha parada en Rego de Mel, na finca das Fadegas e tamén para ver os podomorfos das Anzas. Aquelas persoas que queiran asistir, como xa ten anunciado a asociación Paco Lanza, saíran ás 11 e media da mañá do aparcadoiro municipal e estará sobre as catro da tarde nas Anzas. As persoas que non queiran facer todo o tramo poden ir alí e acercarse á explicación que altruistamente van facer Emilio Piñeiroa e Teresa Díaz, aos que queremos agradecer a organización desta actividade”.
Unha actividade organizada pola Asociación Cultural pensada para promocionar os produtos de proximidade e da artesáns, nun ambiente lúdico e festivo. Produtos de horta, conservas, mel, requeixo, plantas ornamentais ou bisuteria son algúns dos produtos que se podían encontrar no mercado, que contou tamén con outras actividades como bautismos hípicos. A Vicepresidencia da Deputación colaborou un ano máis na programación do mercado cun obradoiro de coiro e animación musical.
A Deputada de Muller e Igualdade, Marisol Morandeira, participou este sábado na inauguración, onde destacou o valor desta iniciativa que leva “máis de vinte anos unindo ás persoas arredor do coñecemento, da experiencia compartida e do orgullo polo rural”.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
Nesta edición, a programación céntrase na Idade Moderna en Galicia, combinando sesións teóricas no Real Seminario Conciliar de Santa Catalina con visitas guiadas por Mondoñedo e a súa comarca. O Concello destaca a excelente acollida desta iniciativa e anima a seguir promovendo actividades culturais deste nivel, posibles grazas ao compromiso da USC e ao apoio da Xunta de Galicia.
Categoría Infantil: 1º premio, Celia Blanco. 2º, Mara Blanco. 3º, Nuno Villares. Categoría Primaria: 1º premio, Laia Rodríguez. 2º, Paula Martínez. 3º, Jesús López e Samuel Riera (empate). Categoría Adultos: 1º premio, Unha receita para a felicidade, de Sonia Corral. 2º, O merodeador da néboa, de Manuel Fernández. 3º, Ou lobo ou o can, de Xolo. O Concello felicita a todas as persoas premiadas e agradece a participación de todas e todos os que fixeron deste certame unha auténtica celebración da lectura e da creación literaria.
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
