A Asemblea Local do BNG está a informarse sobre as pistas forestais que sufriron danos polas abondosas chuvias deste inverno e comezos da primavera. Vén de elaborar un texto único para os dous concellos do val, o cal, foi rexistrado esta semana en ambos os dous consistorios.
Pleno ordinario do Concello do Valadouro
O 19 de abril celebrouse o Pleno do Concello do Valadouro onde, entre outras cuestións, se trataron:
-Orzamento municipal 2013: O concelleiro do BNG vota en contra, xa que, en investimentos reais, quitando o do canon eólico, a maior axuda ven da área de deportes da Deputación (60.000 da pista de andadura), o cal denota a ausencia de xestión e control local.
-Moción do PP sobre a área sanitaria da Mariña: O concelleiro do BNG trata de presentar unha moción de urxencia para a defensa da área sanitaria da Mariña, a urxencia é rexeitada polo grupo de goberno é non se pode presentar. Entón, ante a presentación dunha moción que fala da área sanitaria por parte do grupo do PP, o concelleiro do BNG presenta unha enmenda ao devandito texto por consideralo insuficiente e non defender con valentía e firmeza a área sanitaria da Mariña, ademais do seu fomento e consolidación no futuro, a enmenda é rexeitada polo gupo de goberno.
Ao final, a moción do PP sae adiante grazas non só aos votos favorábeis dos concelleiros do PP senón polas abstencións dos grupos da oposición (agás o BNG, que votou en contra), actuación que dende o BNG tildamos de silencio cómplice co PP, formación que malia presentar mocións para lavar a cara diante da cidadanía, constitúe o verdadeiro verdugo do Hospital da Costa.
Dende o BNG queremos amosar a nosa estrañeza ante a actuación do PSOE neste pleno, xa que tratándose dun grupo político que participa e apoia os colectivos creados a prol da área sanitaria comarcal, despois “mira para outro lado” cando o PP presenta mocións coa única intención de quedar ben, e non contribúe a desenmascaralos.
-Toque de atención do noso concelleiro polo excesivo uso de papel: Aproveitou o pleno para dar un toque de atención sobre a grande cantidade de papel que se está a empregar cada vez que se entrega documentación dun pleno aos concelleiros, isto ademais de ser contraditorio coas boas prácticas de sustentabilidade e respecto pola natureza, é algo desfasado dende que os pen drive (lapis de memoria) se converteron en obxectos de uso común. O concelleiro do BNG demandou que a documentación previa referida aos plenos sexa entregada neste formato dixital, por aforro, por ecoloxía e por funcionalidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
