Despois das noticias saídas nos medios de comunicación no relativo a aprobación do presuposto no Concello de Foz e no relativo ao persoal tanto laboral como funcionario, o Comité vese na obriga de aclarar certos aspectos terxiversados polos medios como é:
1º.- Se está a falar dunha subida salarial do 30% para este ano. Mentira, non é unha subida salarial senón uns ATRASOS especificados na aprobación da Relación de Postos de Traballo (e que xa tiñan que estar pagados a día de hoxe) para equiparar o salario dos traballadores coas retribucións que debíamos cobrar por posto desempeñado e ao ser un dos concellos da Mariña que menos paga aos seus traballadores.
2º.- Que na Aprobación da Relación de Postos de Traballo no ano 2010, quedou establecida unha compensación para equiparar posto de traballo e salario, onde o Comité de Empresa e pola súa boa fe, deixou que se pagara en catro anualidades, en lugar de acomételo gasto todo de golpe para non supoñer unha carga par as arcas municipais:
10% no ano 2011
20% no ano 2012
30% no ano 2013
40% no ano 2014
3º.- Que estamos cansos de que se utilice as retribucións dos traballadores como arma arroxadiza entre os grupos políticos, cuns cambios de postura que en nada favorecen o bo funcionamento e ambiente nos traballadores municipais.
4º.- Que na maioría dos casos dos operarios municipais os soldos mensuais non chegan aos 1.000 euros. E que o pagamento dos atrasos correspondentes na maioría dos casos non pasan dos 15 euros mensuais.
5º.- Que non estamos a pedir nada que non fose gañado a pulso nos últimos anos e que non nos pertenza, usan só a demagoxia mais pura para intentar votar a cidadanía na contra dos traballadores, con titulares que non son para nada certo. De ser o 30% do salario seríamos o primeiro Concello de toda España en pedir semellante suma á vez que a Lei de Presupostos Xerais, non deixa subir os salarios dende o ano 2012.
Con estas aclaracións, consideramos que se debería reflexionar dende o equipo de goberno, para cumprir cun acordo plenario (por lei) e consignar a partida correspondente para este ano 2013, da maneira que considere oportuna.
O Comité de Empresa
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
