O PP de Viveiro pregúntase ata cando vai seguir a sangría xudicial e económica do Concello

O PP de Viveiro afirma que “desde que Melchor Roel chegou á alcaldía non hai mes, nin semana, nin día que non apareza algunha notificación ou reclamación de carácter judicial. Só con ler as actas das Xuntas de Goberno Local ou as entradas do Rexistro, apreciamos os numerosos asuntos que asolan á entidade local, cuns custes económicos que superan todas as previsións imaginables”.

“Para darnos unha idea – segundo explica César Aja- isto repítese todos os meses”. Así, “Só entre os días 21 e 30 de xaneiro de 2013 entraron no Rexistro Municipal nove contenciosos, dous casos do xulgado do social, un embargo e dous asuntos do xulgado de instancia nº1, ademais de 5 reclamacións económicas – entre elas a de Sogaza por un importe de 452.774,26 euros-“.

“O PP de Viveiro ven denunciando e advirtindo; aínda que con pouco éxito, a gran sangría económica que a actitude do goberno socialista e do alcalde causan á entidade local. Asuntos que pola súa propia natureza debían ter unha solución meramente administrativa – pois son reclamacións que están perfectamente regladas- son negadas polo goberno local obrigando aos administrados a recorrer á vía xudicial cos conseguintes custes económicos, de tempo e incluso sociais, laborais e empresariais. As,í temos empregados municipais que teñen que reclamar xudicialmente cantidades que o propio alcalde acordou con eles, empresas como Sogama á que non se lle paga, a pesar de que os cidadáns pagamos relixiosamente este servizo, promotoras ás que non se lles concedeu a licenza solicitada e non se lles devolve o seu diñeiro, etc.”.

“Os cidadáns preguntaranse onde van eses cartos que tiñan unha finalidade clara e que desviaron a outras actividades, en qué se gastaron, por qué se desviaron eses fondos. A respuesta de Melchor Roel vai ser a de sempre: que o PP intenta embarrar a vida local en lugar de ilustrarnos a todos os veciños de Viveiro sobre cantos litixios ten vivos na actualidade o Concello, canto se leva gastado en abogados, procuradores, costas xudiciais e intereses desde a súa chegada á alcaldía. Iso sería moito máis didáctico que os improperios e insultos aos que nos ten acostumados”, apuntan dende o PP.