Cunha participación de máis de 1000 atletas chegados de todos os puntos da xeografía española, disputouse o pasado domingo na cidade da Coruña, o Campeonato Galego e de España de Maratón. Os atletas tiveron que dar tres voltas a un circuíto de 17 km ata completar o percorrido de 42 km e 195 metros, e por fin a climatoloxía quixo acompañar a todos os atletas facendo un día soleado coa única pega dunha lixeira brisa que os acompañou durante toda a proba.
Polo que respecta ós atletas do club vivairense, demostraron estar ó máis alto nivel acadando 9 medallas. No apartado feminino, destacar a excelente proba que realizou Manuela Guisasola, proclamándose campioa galega e subcampioa de España na categoría de W-50, cun tempo de 3 horas 43 minutos e 02 segundos, sendo a súa primeira participación nunha maratón; a súa compañeira Isabel Brea na categoría de W-60 fíxose co campionato galego.
No apartado masculino, Antonio Cabana en M-70, proclamouse campión galego e campión de España, cun tempo de 3 horas, 52 minutos e 01 segundos; o seu compañeiro Emilio Martínez en M-50 fíxose co campionato galego e co subcampionato de España, cun tempo de 2 horas 41 minutos e 26 segundos; e Jesús Bernal na categoría de M-65, foi segundo no campionato galego e terceiro no campionato de España.
Outros atletas destacados foron Eliseo López en M-60 que ocupou o cuarto posto no campionato galego e Emilio Toral en M-55 que foi octavo no campionato galego.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Son 15 os postos instalados nos que os asistentes poderán atopar complementos de moda e téxtis, marroquinaría, xoiaría, teas, sombreirería, bixutaría, xoguetes ou esmaltes. Esta feira está percorrer diversas localidades e cidades galegas para dar a coñecer o traballo dos artesáns galegos. Polo recinto pasaron o alcalde, Dani Vega, e a concelleira de Comercio e Turismo, Marta Saiz.
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna hoxe ao monolito da Cadeir a, os simuladores de pilotaxe de moto GP e a exhibición de Stunt3Show mañá, ou unha ruta turística o domingo. Ademais, haberá sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
