Ribadeo, 16 de maio de 2013. O salón de actos da antiga casa sindical acollerá o vindeiro 6 de xuño un curso ó amparo do proxecto Abrocha-T á seguridade. Está organizado pola Confederación de Empresarios de Lugo e desde ACISA recoméndase a todos os seus asociados e ó resto da poboación de Ribadeo e da súa comarca. A Asociación de Comerciantes, Industriais, Servizos e Autónomos ribadense é socia da CEL.
Dito curso desenvolverase entre as 18 e as 20 horas e abordará a Coordinación de actividades empresariais e o uso de EPI´s. A todos os asistentes á xornada serálles entregado, xunto á documentación correspondente, un kit de seguridade que inclúe: chaleco acolchado, chaleco reflector, luvas e lentes de protección e protectores auditivos.
A inscrición e participación no mesmo é gratuíta. Os interesados poden facela xa nas instalacións da CEL na Mariña e tamén nas de ACISA Ribadeo. O curso está dirixido a técnicos de prevención, delegados de prevención e membros do comité de seguridade e saúde, a empresarios e traballadores en activo e tamén a autónomos.
Alfonso Parga López, delegado da CEL na zona norte será o encargado de presentar a xornada e a continuación intervirá o poñente que é o xefe de Inspección de Traballo e Seguridade Social en Lugo, Nicolás González Raposo, que analizará cuestións coma os equipo de protección individual, as responsabilidades e sancións e a coordinación de actividades empresariais.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
