-Subliñan que “levan nesta situación varios meses e parece que o equipo de goberno non ten interese por solucionar o problema”
-A época estival está comezando e “xa vemos os primeiros turistas, non se pode dar esta mala imaxe ós visitantes e os propios veciños non merecen ver deste xeito a entrada principal deste areal”
CERVO, 16 DE MAIO. Os socialistas denuncian o estado de abandono no que se atopan os contenedores soterrados da praia do Torno, “é unha auténtica vergonza ver como se encontran, están descoidados, coa superficie levantada e suxeita cuns valos de obra. A imaxe que ofrecen é de deixadez e pasividade total por parte do goberno municipal”.
Dende o Grupo Socialista aseguran que “levan así xa varios meses e vemos como dende o Concello non se moveu un dedo por arranxalos. Tiñan tanta présa por instalalos que ata se viron rodeados de polémica por non ter os permisos necesarios, agora a deixadez de funcións é tal que parece que non lles preocupa o máis mínimo”.
A época estival está á volta da esquina e “xa se deixan ver os primeiros turistas. É unha mágoa dar esta imaxe do municipio ós visitantes e por outro lado, os propios veciños non merecen ver a entrada principal deste areal nesta situación”.
Os socialistas esíxenlle ó señor alcalde, Alfonso Villares, que “faga as xestións oportunas para arranxar estes contenedores e volvan a estar como se debe. Xa pasaron varios meses e cremos que vai sendo hora de dar unha solución”.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
